අද(04) දහවල් ජාතික රෝහලේ දී ඔහු අභාවප්‍රාප්ත වු බව පවුලේ ඥාතීන් සඳහන් කළේය.
සිසිර සේනාරත්න උපන්නේ 1938 මාර්තු 29 වෙනිදා හලාවතදීය.මිය යනවිට 79 වන වියේ පසුවු සිසිර සේනාරත්න මහතා කොළඹ නාලන්දා විද්‍යාලයේ ආදි ශිෂ්‍යයෙකු වෙයි.සිසිර සේනාරත්න මහතාගේ දයාබර බිරිද මාපා හාමු මුදියන්සේලාගේ ඉන්ද්‍රාණි විජේබණ්ඩාරය.ඔහු දරුවන් තිදෙනෙකුගේ පියෙකි.
හැට පස් වසරකට කිට්ටු කලා ජීවිතයකට උරුමකම් කියන ශ්‍රී ලංකාවේ ජ්‍යෙෂ්ඨත්වයෙන් ඉහළ ගායක ගායිකා යුවළ සිසිර සේනාරත්න හා ඉන්ද්‍රාණි විජේබණ්ඩාර ලෙස හැදින්විය හැකිය.
සිසිර සේනාරත්න මහතා ගායනා කළ ගීත අතරින් ගයාගීතයන් ගමේ වෙල් එලියේ, අදරෙයි මම ආදරෙයි, ඕළු නෙළුම් නෙරිය රගාලා, පිදුරු සෙවිකළ පැල්පතේ , වෙසක් කැකුළු, සල් සපුමල් දෙවට දිගේ, වැනි ගීත ශ්‍රාවකයින් අතර ඉමහත් ප්‍රසිද්ධියට පත් වුණි.
අපි ඔහුට නිවන් සුව පතමු !
