ඔහු ලාංකේය සිනමාව පිළිබඳ ඉදිරිපත් කළ පර්යේෂණ නිබන්ධනයට එම උපාධිය පිරිනමා තිබේ. මේ අනුව සෞන්දර්ය කලා විශ්ව විද්‍යාලයේ ලියාපදිංචි වී දර්ශන ශූරි උපාධිය ලැබූ පළමුවැන්නා ලෙස ඒ මහතා ඉතිහාස ගත වේ.
මාධ්‍යවේදියෙකුද වන නුවන් නයනජිත් මහතා කැලණිය විශ්ව විද්‍යාලයේ සිනමාව පිළිබඳ බාහිර කථිකාචාර්ය වරයෙකු ලෙසද ක්‍රියා කරයි.
මීට අමතරව අධ්‍යතන සිනමාවේ ලිංගික ප්‍රවනතාව, ශ්‍රී ලාංකීය සිනමා වංශය, ලෙස්ටර් චිරචිත ලේඛන සංහිතා, සොඳුරු අදියුරු සකසුවාණෝ නම් ග්‍රන්ථ රැසක් රචනා කළ ඒ මහතා සිනමා සාහිත්‍ය වෙනුවෙන් ඉටු කළ මෙහෙය වෙනුවෙන් සම්මාන ගණනාවකින්ද පිදුම් ලබා තිබේ.
නුවන් නයනජිත් ජ්‍යෙෂ්ට මාධ්‍යවේදී ඒ. ඩී. රංජිත් කුමාරගේ සහ ගායන ශිල්පී දමයන්ති ජයසූරියගේ එකම පුතණුවන් වේ.
