සවස 4ට පමණ පටන්ගෙන පැයකට ආසන්න කාලයක් පැවති එම උද්ඝෝෂණයට සැළකිය යුතු පිරිසක් සහභාගී වී සිටියහ. උද්ඝෝෂකයන් එක හඬින් පවසා සිටියේ තමන්ගේ නිවාස වල නිදහස තමන්ට ලබා දෙන ලෙසයි. ඒ සම්බන්ධ විවිධ සටන් පාඨ සහිත පුවරුද ප්‍රදර්ශනය කරමින් උද්ඝෝෂණයේ යෙදුන ඔවුන් තමන්ගේ ගැටලූවට හැකි ඉක්මණින් විසඳුම් ලබා දෙන ලෙසද බල කර සිටියහ.
කෙසේ වුවද පැයක පමණ කාලයකින් පසුව විසඳුමකින් තොරව උද්ඝෝෂණය නිමා වූ අතර උද්ඝෝෂකයන් පවසා සිටියේ තමන්ගේ ගැටලූවට විසඳුමක් ලබා නොදුනහොත් ඉදිරියේදී මීට වඩා දැවැන්ත උද්ඝෝෂණයක් සිදු කිරීමට කටයුතු කරන බවයි.
