ඉකුත් 1 වන දා බුධ ග්‍රහයාගේ පෘෂ්ඨය මත කඩා වැටුණු මැසෙන්ජර් යානය මගින් පෘථිවිය වෙත එවන ලද තොරතුරු වලින් මේ බව අනාවරණය වී ඇති බව කොළඹ විශ්වවිද්‍යාලයේ භෞතික විද්‍යා අධ්‍යයන අංශයේ මහාචාර්ය චන්දන ජයරත්න ප්‍රකාශ කළේය.

සූර්යග‍්‍රහ මණ්ඩලයේ කුඩාම ග්‍රහයා වන බුධ ග්‍රහයාගේ රහස් සෙවීමට මීට වසර 10 කට පෙර අභ්‍යවකාශයට යැවූ ඇමෙරිකානු නාසා ආයතනයේ මැසෙන්ජර් යානය පසුගියදා එහි ගැටී විනාශයට පත් වුණි.

වසර 4 ක් තිස්සේ බුධ ග්‍රහයාගේ කක්ෂයේ ගමන් ගත් මැසෙන්ජර් යානය බුධ ග්‍රහයාගේ උතුරු ධ්‍රැවයට පතිත වූයේ පැයට කිලෝමීටර් 14,000 ක එනම්, ශබ්දයේ වේගය මෙන් 12 ගුණයක වේගයකිනි. ඒ සමග බුධ ග්‍රහයා මත ආවාටයක් නිර්මාණය වී ඇත. එය පෘථිවියේ සිට නිරීක්ෂණය කිරීමට නොහැකි තරම් කුඩා ආවාටයක් බව සදහන් රයි.