මේ කෝපි වර්ග හදන්නේ සතුන්ගේ අසූචි වල ඉතුරුවන කෝපි ඇටවලින් කිව්වොත් ඔබ පුදුම වෙයි.
ඉන්දුනීසියානු කෝපි තමයි ලොව හොඳම කෝපි ලෙස හඳුවන්න පුළුවන්. මේ ඉන්දුනීසියාවේ කෝපි නිෂ්පාදනය කරන ක්‍රම දෙකක් පමණයි.
Luwak Coffee කියන්නෙ ලොව ප්‍රමුඛ පෙළේ කෝපි වර්ගයක්. මේ කෝපි හදන්නෙත් අමුතුම විදියකට. පළමුවෙන්ම ඉදුණු කෝපි ඇට උරුලෑවෙකුට කන්න දෙනවා. පසුව එම උරුලෑවා දමන අසූචිවලින් කෝපි ඇට වෙන් කරගැනීම සිද්ධ වෙනවා.
මේ උරුලෑවන්ට හොඳම තත්ත්වයේ කෝපි තේරීමට හොඳ ඉවක් ඇති බව විශ්වාසයයි. ඒවගේම මෙම සතුන් ආහාරයට ගැනීමෙන් පසු කෝපි ඇට පමණක් දිරවීමට නොහැකි ලෙස ඉතුරු වෙනවා. මෙවැනි කෝපි රාත්තලක මිල ඇමරිකානු ඩොලර් 160ක් පමණ වේ. මේ කෝපි කෝප්පයක් ඩොලර් 80කට වගේ විකුණන්න පුලුවන්.
තවත් ඉන්දුනීසියාවේ නිපදවෙන හොඳම කෝපි වර්ගයක් තමයි Black Ivory Coffee. මේ කෝපි නිපදවීමේදී කෝපි පලතුරු සමඟ මිශ්‍ර කර අලින්ට කෑමට ලබා දෙනවා. පසුව එම අලි විසින් දමන ලද අසුචි වලින් කෝපි ඇට ඉවත් කරගැනීම සිදු වෙනවා. නමුත් මේ ක්‍රමය යටතේ අලින්ගේ අසූචි වල ඉතුරුවන ප්‍රමාණය ඉතා කුඩා ප්‍රමාණයක් පමණයි.
