මෙගුමි ඉගරශී නම් වූ මෙම 42 හැවිරිදි ජපන් කාන්තාව චෝදනා ලබා ඇත්තේ තම ස්ත්‍රී ලිංගයේ අනුරුවක් ප්‍රදර්ශණය කිරීම සහ අන් අයටත් ත්‍රිමාණ පිටපත් සකසා ගත හැකි ලෙස තම ස්ත්‍රී ලිංගයේ ත්‍රිමාණ දත්ත බෙදා හැරීම සම්බන්ධයෙන් බවයි මාධ්‍ය වර්තාකරන්නේ.
පසුගිය ජූලි මාසයේ දී මුල් වරට අත් අඩංගුවට පත් ඉගරශී පසුව නිදහස් කරනු ලැබුවේ ජනතා බලපෑම සහ නීතිමය අභියාචනයක් සාර්ථක වීමෙන් වන අතර නැවතත් මෙම මස අත් අඩංගුවට ගත් ඇය තවමත් සිටින්නේ රැඳවුම් භාරයේය.
“ඉතා හුරු බුහුටි ලෙස සැරසිලි මගින් අලංකාර කර ඇති ලිංගේන්ද්‍ර වන මගේ නිර්මාණ සියල්ලේම අරමුණ හුදු හාස්‍ය රසයක් ලබාදීම. එහි කිසිම අසභ්‍ය බවක් නැහැ” යනුවෙන් ඇය අධිකරණය හමුවේ කියා සිටි බවයි පුවත්පත් වාර්තා කරන්නේ.
අසභ්‍ය දේ ;පිලිබඳ ජපාන නීතිය මගින් ලිංගේන්ද්‍ර ප්‍රතිනිර්මාණය කිරීම තහනම් කර තිබෙන අතර රුපවාහිනී මාධ්‍යයේ සහ චායාරූප වල බොඳවී ගිය අකාරයෙන් දර්ශනය කලයුතු බව දැක්වේ.
ඇය මෙම චෝදනාවට වැරදිකාරිය වූවානම් වසර දෙකක සිර දඬුවමක් හෝ ජපන් යෙන් මිලියන 2.5 ක ((£13,350) මුදලක් ගෙවන්නට සිදුවන බවයි පැවසෙන්නේ.
තම ලිංගේන්ද්‍රියේ සිලිකන් රබර් අච්චුවක් ආධාරයෙන් විවිධ නිර්මාණ කර තම අන්තර්ජාල පිටුවේ ප්‍රදර්ශනයකර ඇති ඉගරෂි ගේ බලාපොරොත්තු ව වන්නේ දැනට ජනප්‍රිය සංස්කෘතියේ අංගයක්ව පවතින පුරුෂ ලිංගය මෙන් ස්ත්‍රී ලිංගය ද ජනප්‍රිය කිරීම බවයි.
