මේ වසරේ පවත්වන්නේ 11වැනි ක්‍රිකට් ලෝක කුසලාන තරඟාවලියයි. ඒ කියන්නෙ ක්‍රිකට් තරඟාවලි 10ක් අපි පහු කරගෙන ඇවිත්. ඒ විවිධ තරඟාවලි වලදී ජය හිමි උනේ විවිධ රටවල්වලට.
ජයග්‍රහණය ගැන කතා කිරීමේදී මේ කණ්ඩායම් වල නායකත්වය ගැන අනිවාර්යෙන් කතා කරන්න වෙනවා. වෙන ක්‍රීඩාවලට වඩා ක්‍රිකට් වලදී නායකයාගේ කාර්යභාරය ගොඩක් වැදගත් වෙනවා. ලෝක ක්‍රිකට් ඉතිහාසයේ ඒ ආකාරයට නම රැඳවු නායකයින් කිහිප දෙනෙක් ගැන කියන්නයි මේ සුදානම.
Clive Lloyd - Clive Lloyd නම බටහිර ඉන්දීය කොදෙව්වන්ගේ ඉතිහාසයේ මෙන්ම ක්‍රිකට් ඉතිහාසයේත් සදා අමරණීය නමක්. 1975 වසරේ පළමු ලෝක කුසලානය දිනාගනු ලැබුවේ බටහිර ඉන්දීය කොදෙව් දූපත විසිනුයි. එහි නායකත්වය ඉසිළුවේ Clive Lloyd විසින්. ඒ වසරේ පැවති පළමුවෙනි ලෝක කුසලාන තරඟයේදී ඔහු ශතකයක් ලැබීමට සමත් උනා. විශේෂම කරුණ වන්නේ දෙවන ලෝක කුසලාන තරඟාවලියේදී ද ඔහුගේ නායකත්වය යටතේ බටහිර ඉන්දීය කොදෙව්වන් විසින් ලෝක කුසලානය දිනා ගැනීමයි.
Kapil Dev- 1983 වසරේ පැවති ලෝක කුසලාන තරඟාවලියේදී ඉන්දියාවට ජය ලැබීමට සමත් වුවේ කපිල් දේව්ගේ නායකත්වය යටතේයි.
Allan Border - 1987 වසරේ ඔස්ට්‍රේලියාවට ක්‍රිකට් ලෝක කුසලානය හිමි වුවේ ඇලන් බෝඩර්ගේ නායකත්වයෙනි.
Imran Khan - 1992 දී ඉම්රාන් ඛාන්ගේ නායකත්වයෙන් යුතු පකිස්ථාන කණ්ඩායම ඕස්ට්‍රේලියාවට එරෙහිව තරඟ කරමින් ක්‍රිකට් ලෝක කුසලානය දිනා ගැනීමට සමත් උනා. අවසන් තරඟයේදී ලකුණු 75ක් රැස් කළ ඉම්රාන් ඛාන් දක්ෂ ක්‍රීඩකයෙකු මෙන්ම දක්ෂ නායකයෙකු ලෙසද මෙහිදී කැපී පෙනුනා .
Arjuna Ranatunga - මේ නම ලංකාවේ ජීවත්වෙන කිසිම කෙනෙකුට අමතක නොවෙන නමක්. ලංකාව පළමු වරට ලෝක ක්‍රිකට් කිරුළ දිනාගනු ලැබුවේ 1996 වසරේ අර්ජුන රණතුංගගේ විශිෂ්ට නායකත්වය යටතේයි.
Steve Waugh - ඕස්ට්‍රේලියානු ක්‍රිකට් ඉතිහාසයේ සාර්ථකම නායකයා ලෙස සැළකෙන මොහු 1999 වසරේදී ක්‍රිකට් කිරුළ ඕස්ට්‍රේලියාවට ලබා දීමට දායක උනා.
Ricky Ponting - 2003 සහ 2007 යන වසර දෙකෙහිදීම ඕස්ට්‍රේලියාව ලෝක ක්‍රිකට් කුසලානය දිනාගැනීමේදී එහි නායකත්වය දැරුවේ රිකී පොන්ටින් විසිනුයි.
M.S. Dhoni - 2011 වසරේ පැවති ක්‍රිකට් ලෝක කුසලානය ඉන්දියාව හිමි කරගනිද්දී ඉන්දීය කණ්ඩායමේ නායකත්වය දැරුවේ දෝනි විසිනි.
