සම්ප්‍රදායට අනුව පූජකවරුන් පමණක් බිෂොප් පදවිය දැරූ අතර පූජකවරියන්ටත් එම පදවිය දැරීමට ඉඩ ලබා දීමට මීට සය මසකට පෙර එංගලන්ත සභාව තීරණය කළේය.

මේ අනුව හතළිස් අට හැවිරිදි ලිබි ලේන් පුජකවරිය ස්ටොක්පොර්ට් හි බිෂොප් වරිය ලෙස නිල වශයෙන් පදවි ප්‍රාප්ත විය. විවාහක කාන්තාවක් වන ඇය දරුවන් දෙදෙනෙකුගේ මවකි.

එංගලන්ත සභාව මුලින්ම කාන්තාවකට පූජක වරය ලබා දුන්නේ 1994 දී වන අතර ලිබි ලේන් පූජකවරිය 2007 සිට සාන්ත පීටර්ස් හේල් සහ සාන්ත එලිසබෙත් ඈශ්ලි හි ප්‍රදේශ භාර දේවගැතිවරිය ලෙස කටයුතු කර තිබේ.