ඔහු පාර්ලිමේන්තු මන්‍ත්‍රීධුරයෙන් ඉවත් වවිමට ආසන්න කාලයේදී මෙරට වත්මන් දේශපාලන ක්‍රමය දැඩිව විවේචනය කරමින් තමන්ට ඇති කළකිරීම ප්‍රකාශ කර තිබිණි.
මේ අතර තමන් දැනට කැනඩාවේ පදිංචිව සිටියත් ඉතා ඉක්මනින්ම නැවතත් ශ්‍රී ලංකාවට පැමිණෙන බවත් පවතින ක්‍රමය වෙනස් කිරීම සදහා වන අරගලයකට තමන් සූදානම් බවත් ඔහු කැනඩාවේ සිට අන්තර්ජාල නාලිකාවක් සමග සාකච්ඡාවට එක්වමින් පවසා තිබිණි.
ඇතැම් වාර්තා සඳහන් කරන්නේ පසුගියදා අනාරාධපුරයේදී මන්ත්‍රීවරයාගේ නිවසට වෙඩිතැබීමේ සිද්ධිය පාදක කරගනිමින් ඔහු කැනඩාවේ දේශපාලන රැකවරණ පතා ඇති බවය. මේ වන විට සිය දරු පවුල සමගින් ඔහු කැනඩාවේ පදිංචිව සිටී. ඔහු දේශපාලනයට පැමිණියේ විමල් වීරවංශගේ නායකත්වයෙන් යුතු ජාතික නිදහස් පෙරමුණයේ සාමාජිකයකු ලෙස පොහොට්ටු ලකුණික් තරග කරමිනි.
දුටුගැමුණු සිනමා නිර්මාණයේ දුටු ගැමුණු රජුගේ චරිතය නිරුපණය කිරීමත් ඔහු තම මැතිවරණ ප්‍රචාරක කටයුතු වෙනුවෙන් යොදාගෙන තිබිණි. කේසේ නමුත් උද්දික මේ වන විට දරණ දේශපාලන මතය සහ ජාතික ජන බලවේගයේ දේශපාලනය අතර නොගැලපිල්ලක නැත.
