එළඹෙන පළාත් පාලන මැතිවරණයත් සමඟ ජී එල් පීරිස් නායකත්වය දරන පොදු ජන පක්ෂයේ සාමාජිකයන් ලෙස මහින්ද රාජපක්ෂ සමඟ බැසිල් රාජපක්ෂ විමල් වීරවංශ හා නාමල් රාජපක්ශ පමණක් සාමාජිකයන් ලෙස ඉතුරු වනු ඇතැයි ඒකබද්ධ විපක්ෂ ආරංචි මාර්ග පවසයි. විමල් වීරවංශගේ ජාතික නිදහස් පෙරමුණද මේ වන විට සෝදාපාලුවට ලක්වෙමින් තිබේ.

රුපියල් මිලියන තිහක මුදලක් අයුතු ලෙස උපයාගැනීම මඟින් මුදල් විශුද්ධිකරණය වැළැක්වීමේ පනත යටතට ගැනෙන වැරැදි සිදු කළ බවට අධිචෝදනා 11 යටතේ නීතිපතිවරයා පවරා ඇති නඩුව ප්‍රකාරව එම චෝදනා ඔප්පු වුව හොත් පාර්ලිමේන්තු මන්ත්‍රී නාමල් රාජපක්ෂ මහතාට සහ සෙසු විත්තිකරුවන්ට සිව්දෙනාට වසර 20 ක සිර දඬුවමක් ප්‍රකාශයට පත් විය හැකි බව එම පනතෙහි දක්වා ඇති විධි විධාන අනුව දැක්වේ. පසුගිය අප්‍රේල් මස දී මෙම චෝදනා ගොනු කිරීම සිදුවිය.

ගොඨාබය රාජපක්ෂ මහතා අමරිකනු පුරවැසිභාවය ඉවත් කර ගැනීමට තීරණය කර ඇති බවට අප පසුගියදා පළ කළ පුවත් සම්බන්ධයෙන් ඔහුගේ මාධ්‍ය හෙංචයියන් කලබල වී ඇත. ඉතා හදිස්සියෙන් අප පල කළ පුවතට පිලිතුරක් ගොනු කිරීමට මොවුන් කටයුතු කර තිබේ. ඒ ශ්‍රීලංකා මිරර් වෙබ් අඩවියටය.