උද්ගතව ඇති දැඩි නියං තත්ත්වය හමුවේ වනජීවීන්ට විඳින්නට සිදුව ඇති දුෂ්කරතාව සලකා මේ තීරණය ගත් බව වනජිවි අධ්‍යක්ෂ ජනරාල් එච්. ජී. රත්නායක මහතා පැවැසීය.
වැඩිදුරටත් අදහස් දක්වමින් අධ්‍යක්ෂවරයා පෙන්වා දෙන්නේ වනජිවීන්ගේ ආරක්ෂාව සඳහා යාල වනෝද්‍යානය සංචාරකයන්ට වසා දමන ලෙස පරිසරවේදීහු වනජීවී සංරක්ෂණ දෙපාර්තමේන්තුවෙන් ඉල්ලා සිටි බවත් එම ඉල්ලීම කෙරෙහිද අවධානය යොමු කළ බවය.
පසුගිය දෙසැම්බර් මාසයේ සිට වියළි කලාපයට වැසි නොලැබීම හේතුවෙන් යාල වනෝද්‍යානයේ සමස්‌ත ජල මූලාශ්‍ර දැඩි වියළීමකට ලක්‌ව ඇති බවත් තැන්තැන්හි ඇති කුඩා දිය වළවල් වෙත ඇඳී එන වනසතුන්ට සංචාරක ජීප්රථ මගින් සිදුවන බාධාකිරීම් අවම කිරීම සඳහා මේ පියවර ගන්නා ලෙසත් පරිසරවේදීහු වනජිවි අධ්‍යක්ෂ ජනරාල් ඉල්ලා තිබුණි.
මේ පිළිබඳවද සලකා බලා එම තීරණය ගත් බව අධ්‍යක්ෂ වරයා පැවසීය.
