"තොරතුරු නීතිය යටතේ ගොනු කරෙන ඉල්ලුම්පත්වලට ඔක්තෝබර් 26දායින් පසු පොදු අධිකාරීන් බොහොමයකින් කිසිදු ප්‍රතිචාරයක් නෑ - නිතර RTI භාවිත කරන මාධ්‍යවේදී කියයි. හේතුව උවමනාවෙන් රටේ නීති නොතකා හැරීමද - දැනට ඇති රාජ්‍යසේවා අකර්මන්‍යතාවද? , යනුවෙන් එහි සඳහන් කර තිබේ.
යහපාලන රජය විසින් ගෙන ආ ප්‍රජාතන්ත්‍රවාදි ප්‍රතිසංකරණ වල ප්‍රමුඛ කටයුතක් වූයේ තොරතුරු දැන ගැනීමෙහි මහජනතාව සතු අයිතිය සහතික කිරීමය. ඒ වෙනුවෙන් තොරතුරු පනත සම්මත කර ගත්තේය. රාජපක්ෂ යුගයේදී මෙම අයිතිය වෙනුවෙන් කරු ජයසූරිය මහතා ගෙන ආ යෝජනාව විවාදයටවත් නොගෙන කටහඬ අනුව ඡන්ද විමසමින් එය ඒ මොහොතේම නිශ්ප්‍රභා කිරීමට ඔවුන් කටයුතු කළේය. එදා ඒ වෙනුවෙන් මෛත්‍රීපාල සිරිසේනද රාජපක්ෂවරු සමඟ සිට ගත්තේය.
ඒ කොහොම උනත් දැන් රාජපක්ෂ වරු බලහත්කරයෙන් ආණ්ඩුවේ බලය අත්පත් කර ගැනීමෙන් අතරුරුව රාජ්‍ය ආයතවල බලයද රාජපක්ෂවාදීන් විසින් බලහත්කාර කමෙන් නීති විරෝධීව අත්පත් කරගෙන තිබේ.
ඒ තත්වයන් යටතේ තොරතුරු දැන් ගැනීමේ පනත ක්‍රියාත්මක වීම වැලැක්වීම ගැන පුදුම විය යුතු නැත. මේ එරෙහි වන්නේ යහපාලන රජයේ අයිතියක් නොව සමස්ත ජනතාවගේ අයිතියක් බව හිතන්නට තරම් රාජපක්ෂවරු ප්‍රජාතන්ත්‍රවාදීන් නොවෙති.
