විශේෂයෙන්ම චේතාන්විතව ආණ්ඩුක්‍රම ව්‍යවස්ථාව උල්ලංඝනය කර ඇතැයි යන චෝදනාව ඔප්පු කිරීම සඳහා මේ වන විට අභියාචණාධිකරණය හමුවේ රිට් ආඥාවක් ( writ application of QUO Warranto ) ඉල්ලා ගොනු කර තිබෙන පෙත්සමෙහි තීන්දුව සෘජුවම බලපවත්වනු ඇති බව නීතිඥවරු පෙන්වා දෙයි. 

මෙම පෙත්සම අනුව හොර අගමැති සහ එම ඇමැති මණ්ඩලය අභියාචණාධිකරණය හමුවේ තමන්ට නීත්‍යානුකූලව පැවැරුණු ආණ්ඩු කිරීමේ බලයක් ඇති බව ඔප්පු කළ යුතුය.

විශ්වාසභංග යොජනාවෙන් තෙවරකම පරාජය වී සිටින මහින්ද ඇතුලු නඩයට පාර්ලිමේන්තුවේ බලය පෙන්වීමේ හැකියාවක් නැති අතර .එම යෝජනාව පාර්ලිමේන්තුව තුල නියමාකරයෙන් සම්මත වී තිබියදී තව දුරටත් බලහත්කාරයෙන් ආණ්ඩුවේ තනතුරු දරමින් සිටීම මෙම රිට් පෙත්සම මගින් අභියෝගයට ලක්වනු ඇත. එසේම සිරිසේන ජනාධිපතිවරයා රටේ නීතිය ව්‍යවස්ථාව උල්ලංඝනය කරමින් තව දුරටත් මහින්ද ඇතුලු නඩය ආණ්ඩුව ලෙස සලකමින් පවත්වාගෙන යෑමට ඉඩ දීම මෙම පෙත්සම මඟින් අභියෝග කරයි.

මේ අනුව සිරිසේන මහින්ද පාර්ශ්වයට කිසිසේත්ම අභියාචනාධිකරණය හමුවේ තමන්ගේ බලය, නිත්‍යානුකූලව පැවරුනු බලයක් බව ඔප්පු කිරීමට හැකියාවක් නැති බව පැහැදිලි කාරණාවක් බව නීතිවේදීන් පෙන්වා දෙයි.

බලය බලහත්කාරයෙන් අල්ලා ගෙන සිටින් ආණ්ඩුවකට එරෙහිව ක්වෝ වොරන්ට් (QUO Warranto) ආඥාවක් ඉල්ලා සිටිමේ අවස්ථාව ලෝක ඉතිහාසයේ පළමු වරට සිදුවන නෛතික ක්‍රියාවලියකි. මේ නිසා මේ පෙත්සම් විභාගය සම්බන්ධයෙන් මුලු ලොකයේම අවධානය මේ අධිකරණ ක්‍රියාවලියට යොමුව පවතී