2016 වසරේ ආනයනික තිරිඟු ප්‍රමාණය මහ බැංකු වාර්තාවෙන් වසන්කර ඇති බවට චෝදනා

Published in පුවත්
Friday, 26 May 2017 18:36

2016 වසරේදී මෙරටට ගෙන්වන ලද තිරිඟු ඇට ප්‍රමාණය සම්බන්ධයෙන් ශ්‍රීලංකා මහ බැංකුවේ 2016 වාර්ෂික වාර්තාවේ සඳහන් අගය පිළිබඳ විශාල සැකයක් ඇති වී තිබෙන බව එම ක්ෂෙත්‍රයේ තතුදත් ආරංචි මාර්ග සඳහන් කරයි. මෙරටට තිරිඟු ඇට ආනයන කිරීම සම්බන්ධයෙන් එම ක්ෂෙත්‍ර අධ්‍යනයකදී හෙළිව තිබෙන ආකාරයට 2016 වසරේදී මෙරටට ආනයනය කරන ලද තිරිගු ඇට ප්‍රමාණය මෙට්‍රික් ටොන් 16,00,000 කට අධිකය. නමුත් මහ බැංකු වාර්තාවේ සඳහන් වන්නේ මෙට්‍රික් ටොන් 9,48,000 කට ආසන්න අගයකි.

එම ක්ෂේත්‍ර අධ්‍යනයයෙහි නියැලුනු පිරිස පෙන්වා දෙන්නේ තමන් රේගු දෙපාර්තමේන්තුව මඟින් ලබා ගත් වාර්තා අනුව එම ගනනය කිරීම සිදු කළ බවය. ලංකාවේ ප්‍රධාන තිරිඟු පිටි සපයන්නන් දෙදෙනා වන ප්‍රීමා ලංකා සමාගම හා සෙරන්ඩිබ් ෆ්ලාර් මිල්ස් සමාගමට අමතර 2016 වසරේදී තවත් ව්‍යාපාරිකයන් රැසක්ම ඉන්දියාවෙන් 'තිරිඟු පිටි' ආනයනය කර තිබෙන බවත් මෙහිදි හෙළිව තිබේ. ප්‍රිමා සමාගම හා සෙරන්ඩිබ් සමාගම් දෙක සාමාන්‍යයෙන් පිටි ගෙන්වනු ලබන්නෙ කැනඩාවෙන් හා ඇමරිකාවෙනි.

එමෙන්ම ශ්‍රී ලංකා මහ බැංකු වාර්තාව අනුව එම සංඛ්‍යා ලේඛන සඳහා පාදක කරගෙන ඇත්තේ මෙරටට තිරිගු පිටි ගෙන්වනු ලබන ප්‍රධාන සමාගම් 2 වන ප්‍රීමා සමාගමේ , සීරන්ඩිබ් සමාගාමේ හා රේගුව ලබා දුන් දත්තයන් බව සටහන් වේ.

කෙසේ නමුත් එලෙස ඉන්දියාවෙන් ගෙන්වනු ලැබු මෙට්‍රික් ටොන් 1,00,000 ක පමණ තිරිගු පිටි ප්‍රමාණය ද මහ බැංකු වාර්තාවට ඇතුලත් වන බව සටහන් නොවන අතරම 2016 වසරේ ආනයන භාණ්ඩ සම්බන්ධයෙන් වන සැක සහිත සංඛ්‍යා ලේඛන ඉදිරිපත් කර තිබෙන්නේ නම් ඒ රටේ ඇත්ත පාන් පිටි පාරිභෝජනය වසන් කිරීමක් බව පෙනේ. මේ තත්වය සහල් ගොවියා අර්බුදයක සිටීමත් එම විරෝධතා යටපත් කිරීම වෙනුවෙනුත් මෙරට තිරිගු පිටි පාරිභෝජනය අඩු වී ඇති බව පෙන්වීම සඳහා ආණ්ඩුව ගන්නා සටකපට උත්සාහයක් විය හැකි බවද මෙම සමීක්ෂකයන් සැක පල කරයි.

සාමාන්‍යයෙන් සහල් මිළ වැඩිවීම හා හිඟවීම මත සහල් පාරීභෝජනය අඩුවන වසර වලදි පිටි පාරිභොජනය සැලකිය යුතු ලෙස ඉහළ යාම සිදුවෙයි. පසුගිය 2015 වසර යනු මෙරට වැඩිම සහල් ප්‍රමාණයක් නිශ්පාදනය කරනු ලැබු වසරයි. එහෙත් එම වසරේදීද තිරිගු ඇට මෙට්‍රික් ටොන් ලක්ෂ 12කට අධික ප්‍රමාණයක් ගෙන්වා ඇත. ඒ තිරිගු පිටි ලෙස ගෙන්වූ ප්‍රමාණයන් ද ගනනය නොකරය.

2016 වසරේ සහල් මිල ඉතා සීග්‍රයෙන් වැඩි වීම හා හිඟ වීම තුල පැහැදිලිවම සහල් පාරිභෝජනය අඩු වී තිරිගු පිටි පාරිභෝජනය වැඩි විය යුතුය. මේ අනුව මහ බැංකු වාර්තාවේ ආනයනික තිරිගු පරිමාව සැලකිය යුතු ලෙස අඩුවී සටහන් වීම සැක සහිතය. මහ බැංකු සංඛ්‍යා ලේඛන නිවැරදි නම් මෙහිදි අමතරව පැන නඟින අනෙක් ගැටලුව නම් 2016 වසරේදී මෙරට ජනතාව කෑවේ මොනවාද යන්න ගැනය.

2016 වසරේ සහල් පාරිභොජනය කෙතරම් අඩුවීද යත් මේ වන විට සහල් නිශ්පාදන ව්‍යාපාරිකයන් විශාල ප්‍රමාණයක් සිය ව්‍යාපාර අත්හැර දමා තිබේ. එම නිශ්පාදකයන් පවසන ලෙස 6000 කට පමණ රැකියා අහිමි වී තිබේ. සහල් පිටි නිශ්පාදනය ද මුලුමනින්ම නැවැතී ඇත. ඒ අනුව සහල් පිටි යොදා සිදු කරමින් පැවතුන බිස්කට් ,ඉඳි ආප්ප, කේක් ආදී නිශ්පාදනද මේ වන විට වෙළඳ පොලෙන් ඉවත්ව තිබේ.

Leave a comment

ld add copy

Gossip

වජිරගේ වත්කම් විමසන්න ඇමතුම් රැසක්

වජිරගේ වත්කම් විමසන්න ඇමතුම් රැසක්

එක්සත් ජාතික පක්ෂයේ සභාපති, හිටපු පාර්ලිමේන්තු මන්ත්‍රී වජිර අබේවර්ධනගේ ජංගම දුරකථනයට පසුගිය සතියේ ඇ...

ආණ්ඩු පක්ෂ ,විපක්ෂ දේශපාලඥයින් රැසක් ප්‍රීති සාදයක

ආණ්ඩු පක්ෂ ,විපක්ෂ දේශපාලඥයින් රැසක් ප්‍රීති සාදයක

ආණ්ඩු පක්ෂයත් විරුද්ධ පක්ෂයත් නියෝජනය කරන දේශපාලඥයින් රැසක් ඊයේ(17) රාත්‍රියේ පැවති විවාහ මංගල උත්සව...

ඇල්ලේ අනතුරට මුහුණ දුන් දියණිය පැය 5ක් මවත් සමග දුරකථනයෙන් කතා කරයි

ඇල්ලේ අනතුරට මුහුණ දුන් දියණිය පැය 5ක් මවත් සමග දුරකථනයෙන් කතා කරයි

ඇල්ල – වැල්ලවාය මාර්ගයේ රාවණා ඇල්ල ආසන්නයේ සිදුවූ බිහිසුණු බස් අනතුර පිළිබඳ පුවත පසුගිය දා රටේම කතා...

හිටපු ජනපති රනිල්ගෙන් විශේෂ ප්‍රකාශයක්.. ආණ්ඩුවට එරෙහිව නඩු යන ලකුණු !   

හිටපු ජනපති රනිල්ගෙන් විශේෂ ප්‍රකාශයක්.. ආණ්ඩුවට එරෙහිව නඩු යන ලකුණු !  

හිටපු ජනාධිපති රනිල් වික්‍රමසිංහ මහතා එළැඹෙන 06 වනදා විශේෂ ප්‍රකාශයක් සිදුකිරීමට නියමිත බව වාර්තා වෙ...

Connet With Us