ඉංදියාව, පකිස්තානය, මාලදිවයින, භූතානය, බංග්ලාදේශය නේපාලය යන කලාපීය රටවල මෙම ගැටලුව තිබෙන නමුත් මෙරට සම්බන්ධයෙන් කිසිදු තර්ජනයක නොමැති බවත් විදේශිය ඔත්තු සේවා මගින් හො එවැනි තොරතුරක් වාර්තා වී නැති බවත් ඔහු පෙන්වා දෙයි.
විදෙශ බුද්ධි අංශ පෙන්වා දෙන්නේ මාලදියයිනෙ හි අයි එස් අයි එස් ත්‍රස්ත්‍රයන් 400 ක පමණ සිටින බවය. මාලදිවයින වාසීන්ට මෙරටට ඇතුලත් වීමෙදී විසා ලබා ගැනීමක් සිදු නොවන නිසා නිරන්තරයෙන් එම රට වැසියන් මෙරටට පැමිණීම සිදු වේ.මේ අනුව ත්‍රස්ත්‍රයන්ටද මෙරටට ඇතුල් වීමෙහි ඉඩ කඩක් පැවැතිම මත මේ ගැටලුව ඇති වී තිබෙන බව ඇතැම් පාර්ශ්ව පෙන්වා දෙයි. මේ වන විට කොළඹ ආශ්‍රිතව විශාල වශයෙන් මාලදිවයින් ජනයා පදිංචිව සිටී.
මේ අතර කොළඹ බුලස් පාරේ පිහිටි රුසියානු තානාපති කාර්යාලය අවට ප්‍රදෙශයේ විශාල වශයෙන් මුස්ලිම් ජාතිකයන් පදිංචිව සිටීම නිසා ඒ ත්‍රස්ත්‍රයන්ගේ පහසු ඉලක්කයක් විය හැකි බවට රුසියනු තානාපති කාර්යාලය මේ සම්බන්ධයෙන් අවධානය යොමු කරන ලෙස මීට පෙර විදෙශ කටයුතු අමාත්‍යංශයෙන් හා ආරක්ෂක අමාත්‍යංශයෙන් ඉල්ලීමක්ද කර තිබිනි. නමුත් අනවසර ඉදිකිරීම රාශියක් පවතින බැවින් ඒ ඉවත් කිරීම සිදු කිරීම ගැටලුවක්ව පවතින බව මෙරට බලධාරෙන් පෙන්වා දී ඇත.
කෙසේ නමුත් රාජ්‍ය බුද්ධි අංශ පෙන්වා දෙන්නේ මුස්ලිම් ජාතිකයන්ට එරෙහිව මෙරටේ ඇතැම් අන්තවාදී සංවිධාන වල ක්‍රියාකාරම් තව දුරටත් වැඩිවීම සිදු වුවහොත් ත්‍රස්ත්‍ර ක්‍රියාකාරකම් වලට පෙළඹීමේ අවස්ථාවක් තිබිය හැකි බවය.
