පසුගිය රාජපක්ෂ සමයේ සිට මහින්ද රාජපක්ෂගේ හීන මානය දුරු කිරීම සඳහා බිහිකරනු ලැබූ මිහින් ලංකා ගුවන් සේවය හා ශ්‍රී ලංකාවේ ජාතික ගුවන් සේවය අධිකව පාඩු ලබන ගුවන් සේවා දෙකකි.
චන්ද්‍රිකා පාලන සමයේදී ‘එයාර් ලංකා‘ නමින් තිබු මෙරට ජාතික ගුවන් සේවය එමිරේට්ස් ගුවන් සමාගම හා එකාබද්ධ කිරීමෙන් පසුව ශ්‍රී ලංකන් එයාර් නමින් නාම කරණය වූ අතර ලාබ ලබන තත්වයේ තිබිණි. නමුත් එම ගිවිසුම රාජපක්ෂ රජය විසි අවසන් කෙරුණු අතර මිහින් ලංකා නම් ගුවන් සේවයක්ද ආරම්බ කරනු ලැබීය. මිහින් ලංකා කිසිදා ලාබයක් නොලැබූ අතර ජාතික ධනය බිලියන ගානනක් විනාශ කළ ආයතනයක් බවට පත්ව තිබේ.
කෙසේ නමුත් මේ වෙනුවෙන් මැද පෙරදිග වඩාත් තරගකාරී ගුවන් සමාගම් තුනක් වන එමිරේට්ස්, කටාර් හා එතිහැඩ් ගුවන් සමාගම කෙරෙහි රජයේ අවදානය යොමුව පවතී. ශ්‍රී ලංකාවේ ජාතික ගුවන් සේවය කාර්යක්ෂම හා ලාබදායක ආයතනයක් කිරීම සඳහා මෙම පියවර ගැනීමට නියමිතය.
