මෙම ණය මුදල් ගෙවා දැමීම සඳහා ඔහු සිය නිවසද උගස් තබා ඇති අතර එම නිවස උකසෙන් බේරාගැනීම සඳහා දිනිදු පුතා පැහැරගැනීමේ සැලැස්ම සියත්කොට ඇත.
දිනිදු පුතා පැහැරගැනීමෙන් අනතුරුව ඔහුව බලාගැනීම උදෙසා සැකකරුවන් කාර්යයන් බෙදාගෙන ඇතිඅතර එහිදී මහමොළකරු වන මංජුල විසින් දරුවාට කෑම දීමේ කාර්ය බාරගෙන ඇත. ඒ අනුව ඔහු විසින් දරුවාට නූඩ්ල්ස් හා කිරි පැකට් වලින් නොමදව සංග්රහ කොට තිබුණි. දරුවා රැකබලාගැනීම සිදුකර ඇත්තේ චතුරංග නම් සැකකරු විසින් වන අතර දරුවා සමග සෙල්ලම් කිරීමත් පිරිසිදු කිරීමත් දිනේෂ් නම් සැකකරු විසින් සිදුකර ඇත.
මෙම සැකකරුවන් දරුවාට උපරිමයෙන් සලකා ඇති අතර ඔවුන් දරුවා මදුරුවන්ගෙන් බේරාගැනීමට මදුරු දැලක් ද අලුතින් කොට්ට සහ මෙට්ටයක් ද මිලදී ගෙන තිබේ.
මෙහි ප්රධාන සැකකරු මංජුල සඳකැලුම් රාත්රී පුවත් විකාශය නරඹන අතරේ දීනිඳුගේ තාත්තා අඬන ආකාරය දැකීමෙන් අනතුරුව ඔහු දැඩි ලෙස ඒ පිලිබඳ කම්පාවට පත්වී තිබේ. ඉන් අනතුරුව දරවා තවත් හොදින් බලාගැනීමට කටයුතු කල බව ඔහු රහස් පොලිසිය හමුවේ පාපොච්චාරණය කොට ඇත.
(නෙත් එෆ් එම් )
දනිඳු යශේන් දරුවා පැහැරගැනීමේ සිද්ධියේ ප්රධාන සැකකරු වූ මංජුල සඳකැළුම් නමැත්තාගෙන් දීර්ඝ පාපොච්චාරණයක් ලබාගෙන තිබේ. එම පාපොච්චාරණයට අනුව මංජුල සඳකැලුම් මෙයට කලකට පෙර ධනවත් ව්යාපාරිකයෙකි. කල්ගත වීමත් සමග ඔහුගේ ව්යාපාර බංකොලොත් වී ඇති අතර ඒ හේතුවෙන් ඔහු බොහෝ පිරිසකට ණය වී තිබේ.
Leave a comment