නැවත පදිංචිව තවමත් තාවකාලික පැල්පත්වල සිට විරෝධතාවයේ සිටි කුඩා දරුවන් කියා සිටියේ යුද්ධයෙන් පසුව නැවත පදිංචි වුවද නිවසේ පියා නොමැති වීම හේතුවෙන් තමන්ගේ අධ්‍යාපනය සම්පූර්ණයෙන්ම බිඳ වැටී ඇති අතරම සිය පවුල්වල ආර්ථික අගහිඟකම් දරාගත නොහැකි බවත් මේ වන තුරුත් තමන්ට ස්‌ථීර නිවසක්‌ නොලැබීම හා සමාජීය නොසැලකීම යන ප්‍රධාන කරුණු හේතුවෙන් තමන් දැඩි සේ පීඩා විඳින බවටයි. එමෙන්ම මේ වන විට වව්නියාව බන්ධනාගාරයේද එවැනි දේශපාලනික සිරකරුවන් පිරිසක්‌ සිටින බැවින් තමන්ගේ පියා හැකි ඉක්‌මනින් නිදහස්‌ කර දෙන මෙන් විරෝධතාවයේ නිරත කුඩා දරුවන් වත්මන් රජයෙන් ඉල්ලා සිටියහ.
