යාපනය සහ මඩකලපුව යන දිස්‌ත්‍රික්‌ක දෙකෙන් මැතිවරණයට තරග කර පරාජය ලැබූවන් අතරින් වැඩිම මනාප ලබා ගන්නා පුද්ගලයා ජාතික ලැයිස්‌තුවෙන් පාර්ලි මේන්තුවට පත් කරන බව මෙම ගිවිසුමේ සඳහන් වන බව ද ඊයේ (23 දා) කොළඹ පර්ල් ග්‍රෑන්ඩ් හෝටලයේ පැවැති ප්‍රවෘත්ති සාකච්ඡාවකදී හිස්‌බුල්ලා මහතා ප්‍රකාශ කළේය.
තමන් ජාතික ලැයිස්‌තුවෙන් පාර්ලිමේන්තුවට පත් කිරීමට එරෙහිව මඩකලපුව කාත්තන්කුඩි ප්‍රදේශයේ ජනතාව උද්ඝෝෂණය කරන්නේ ශ්‍රී ලංකා මුස්‌ලිම් කොංග්‍රසයේ අවශ්‍යතාව මත බව කී හිස්‌බුල්ලා මහතා එළැඹෙන පළාත්පාලන මැතිවරණය වන විට මඩකලපුවෙන් ශ්‍රී ලංකා නිදහස්‌ පක්‍ෂය විනාශ කර දැමීමේ අවශ්‍යතාවක්‌ මුස්‌ලිම් කොංග්‍රසයට ඇතැයි ද කීය.
තමන්ට එරෙහිව වංචා දූෂණ චෝදනා එල්ල කළ ද මෙතෙක්‌ ඒ පිළිබඳ කිසිදු පරීක්‍ෂණයකට කැඳවා නැතැයි කී හිස්‌බුල්ලා මහතා මෙම චෝදනා සම්පූර්ණයෙන්ම සාවද්‍ය බව ද කීය.
කාත්තන්කුඩි ප්‍රදේශයේ ගැටුම්වලට තම සම්බන්ධතාවක්‌ නැතැයි කී හෙතෙම මෙම ගැටුම්වලින් ශ්‍රී ලංකා මුස්‌ලිම් කොංග්‍රසයේ මෙන්ම තම පක්ෂයේ සාමාජිකයකු ද තුවාල ලැබූ බව කීය.
divaina
