පළාත් සභා විමධ්‍යගත අරමුදලෙන් දිළිඳු ජනතාවට සෙවිලි තහඩු බෙදාදීමේදී රුපියල් ලක්ෂ නවයක පමණ මුදලක් සාවද්‍ය ලෙස පරිහරණය කිරීමේ චෝදනා මත උතුරු මැද පළාත් සභා නායකවරයා ජුනි මස 12 වන දින පොලිස් මූල්‍ය අපරාධ කොට්ඨාසය විසින් අත්අඩංගුවට ගනු ලැබුවේය.
සභා නායකවරයා වෙනුවෙන් පෙනී සිටි නීතීඥවරුන් අද දිනයේ 06 වන වරටත් ඔහුට ඇප ලබාදෙන ලෙස අධිකරණයෙන් ඉල්ලා ඇති බව සඳහන්ය.
කෙසේවෙතත් අදාළ ඉල්ලීම ප්‍රතික්ෂේප කළ අනුරාධපුර ප්‍රධාන මහේස්ත්‍රාත් ශානක කලංසූරිය මහතා සැකකාර සභා නායක ආනන්ද සරත් කුමාර මහතා අගෝස්තු මස 4 වන දින දක්වා රක්ෂිත බන්ධනාගාර ගත කිරීමට නියෝග කර ඇත.
සැකකරුට ඇප ලබාදීම සම්බන්ධයෙන් එදිනට සලකා බලන බව ප්‍රකාශ කළ මහේස්ත්‍රාත්වරයා සිද්ධියට අදාළව සිදුකරන විමර්ශනවල ප්‍රගතිය දැක්වෙන වාර්තාවක් අධිකරණයට ඉදිරිපත් කරන ලෙස පොලිස් මූල්‍ය අපරාධ කොට්ඨාසයට නියෝග කැ තිබේ.
(දෙරණ)
