ඊයේ (26 වැනිදා) විපක්ෂ නායක කාර්යාලයේ පැවැති මාධ්‍ය හමුවකදී හෙතෙම මේ බව ප්‍රකාශ කළේය.
කෙසේ නමුත් මේ සම්බන්ධයෙන් අධිකරණමය පියවර ගන්නා විට මහ මැතිවරණය අවසන් වනු ඇති අතර හුදෙක්ම මහ මැතිවරණය තෙක් තමන්ට එල්ලවන අවලාදවලින් බේරී සිටිම සඳහා ගන්නා ලද උපක්‍රමයක් ලෙස මේ හැඳින්විය හැක. මන්ද මේ අධිකරණයට ගිය විට නැති කුණු ගොඩවල්ද මතුවීම සිදුවන බව මහින්ද රාජපක්ෂ අන් සියළු දෙනාට වැඩියෙන් දන්නා බැවිනි.
ඊයේ පැවැති මාධ්‍ය හමුවේදී හිටපු ජනාධිපතිවරයාට දේශපාලනඥයන් ඇතුළු පිරිස්‌ පදනම් විරහිතව එල්ල කරනු ලබන අසත්‍ය, ද්වේෂසහගත චෝදනා පිළිබඳව ජනාධිපති නීතිඥවරුන් ඇතුළු විසි දෙනකුගෙන් සමන්විත නීතිඥ කණ්‌ඩායමක්‌ නිරීක්‍ෂණය කළ බවත් එහි ප්‍රතිඵලයක්‌ ලෙස මෙම එන්තරවාසි යැවීමට පියවර ගත් බවත් නීතිඥ සාගර කාරියවසම් මහතා පැවසීය.
ඒ අනුව හිටපු ජනාධිපතිවරයාගේ මුදල් විදෙස්‌ රටක තිබෙන බවට මාධ්‍ය මගින් අසත්‍ය ප්‍රකාශයක්‌ කිරීම සම්බන්ධයෙන් විදේශ කටයුතු අමාත්‍යාංශයෙන් රුපියල් මිලියන 500 ක්‌ ද
ජනාධිපති කොමිෂන් සභාවෙන් මහින්දගේ ප්‍රජා අයිතිය අහෝසි කරන්න ඉඩ තියෙනවා" යන සිරස්‌තලය යටතේ ජාතික පුවත්පතකට ලබාදුන් ප්‍රකාශයකින් හිටපු ජනාධිපතිවරයාට අපහාස කළේ යෑයි අනුර කුමාර දිසානායක මහතාගෙන් රුපියල් මිලියන දහයක්‌ද, රූපවාහිනි වැඩසටහකදී රන්ජන් රාමනායක මහතා හිටපු ජනාධිපතිවරයාට අපහාස වන අයුරින් අදහස්‌ ප්‍රකාශ කිරීම සම්බන්ධයෙන් රුපියල් කෝටි සියයක මුදලක්‌ද,
නලින් බණ්‌ඩාර මහතා "හෙළිදරව්ව" නමැති මාධ්‍ය සාකච්ඡාවලදී කළ ප්‍රකාශවලින් හිටපු ජනාධිපතිවරයාට සිදු වූ අපහාසය සම්බන්ධයෙන් රුපියල් කෝටි 200 ක මුදලක්‌ද ඉල්ලා එන්තරවාසි යවා ඇත.
