මේ වනවිට ඒ සම්බන්ධයෙන් පැමිණිලි 92ක් ලැබී ඇති බව මැතිවරණ පැමිණිලි ඒකකය සඳහන් කළේය. මේ අතර, මැතිවරණ නීති උල්ලංඝනය කිරීම සම්බන්ධයෙන් පැමිණිලි 506ක් ලැබී ඇති බව මැතිවරණ දෙපාර්තමේන්තුවේ මැතිවරණ පැමිණිලි ඒකකය සඳහන් කළේය.
එයින් වැඩිම පැමිණිලි සංඛ්‍යාවක් ලැබී ඇත්තේ, පත්වීම් සහ උසස්වීම් සම්න්ධයෙනි. මේ අතර, නීති විරෝධී ලෙස පෝස්ටර් ඇලවීම සම්බන්ධයෙන්, ගතවූ පැය කිහිපය තුළදී පමණක් පුද්ගලයන් 8 දෙනෙකු අත්අඩංගුවට ගැනුණි.
යාපනය, කයිට්ස් ප්‍රදේශයේදී පුද්ගලයන් හත්දෙනෙකු අත්අඩංගුවට ගෙන ඇත.ඒ එක්සත් ජාතික පක්ෂ අපේක්ෂිකාවකගේ පෝස්ටර් 2000ක් සමග දැන්වීම් ඇලවීමට පැමිණ ඇති වෑන් රථයක් ද සමගින්ය.
සැකකරුවන් යාපනය ප්‍රදේශයේම පදිංචි පුද්ගලයන් වන අතර, ඔවුන් කයිට්ස් මහෙස්ත්‍රාත්වරයා හමුවට ඉදිරිපත් කිරීමට නියමිතය.
මේ අතර, පුත්තලම ප්‍රදේශයේ මැතිවරණ ප්‍රචාරක දැන්වීම් අලවමින් සිටි පුද්ගලයෙකු අත්අඩංගුවට ගෙන තිබේ.ඔහු සතුව තිබී එක්සත් ජනතා නිදහස් සන්ධාන අපේක්ෂකයෙකුගේ ප්‍රචාරක දැන්වීම් 70ක් පොලිස් භාරයට ගෙන ඇත.
