හිටපු ජනාධිපතිවරයා කෙරේ ජනතාව තුළ තිබූ සියයට 53 ක ප්රසාදය ජනාධිපති මෛත‍්‍රීපාල සිරිසේන මහතාගේ ප‍්‍රකාශයත් සමග මේ වන විට සියයට 43 දක්වා පහළ වැටී ඇති අතර එය තව දුරටත් සීග‍්‍රයෙන් පහළ වැටෙමින් තිබෙන ආකාරය සමීක්ෂණයකින් හෙළි වී ඇති බව රවුෆ් හකීම් මහතා පැවසුවේය.
අමාත්‍යවරයා මේ බව පැවසුවේ මහනුවර දිස්ත්‍රික්කයේ පැවැති ජන හමුවක් අමතමින්ය.
20 වැනි සංශෝධනය සම්බන්ධයෙන් මුස්ලිම් කොන්ග්‍රසය දැරූ මතයට දැඩි ලෙස විරුද්ධ වූ අමාත්‍යවරුන් අතර පාඨලී චම්පික රණවක හා රාජිත සේනාරත්න යන අමාත්‍යවරුන් සිටි බවත් මේ වන විට එම අමාත්‍යවරුන් දෙදෙනාද එක්සත් ජාතික පෙරමුණත් සමග එක්ව සිටීම විශාල ජයග‍්‍රහණයක් බව ද හකීම් මහතා සදහන් කළේය.
