නව සමසමාජ පක්ෂයේ ජාතික ලැයිස්තුවට නම් කර ඇති නීතිඥ සේනක පෙරේරා මහතා විසින් මෙම පෙත්සම ඉදිරිපත් කර ඇත .
හිටපු ජනපතිට ලබාදී ඇති ආරක්ෂාව නිසා සෙසු අපේක්ෂකයින්ට අසාධාරණයක් සිදු වන බව ඔහු පවසයි.
මේ අතර හිටපු ජනාධිපතිවරයාත් මේවන විට මහමැතිවරණයේ අපේක්ෂකයකු ලෙස ඉදිරිපත් වී ඇති බැවින් ඔහුට දී ඇති වරප්‍රසාද නිසා අනෙකුත් අපේක්ෂකයන්ට අවාසියක් වන බවත්, ආණ්ඩුක්‍රම ව්‍යවස්ථාවෙන් සහතික කර ඇති මූලික අයිතිවාසිකම් උල්ලංඝණය වන බවත්, පවසමින් ජවිපෙ අපේක්ෂක නීතීඥ සුනිල් වටගල මහතාද අද (17) මානව හිමිකම් කොමිසමට පැමිණිල්ලක් ඉදිරිපත් කළේය.
හිටපු ජනපතිට පොලිසියෙන් 105ක්, යුද හමුදාවෙන් 104ක්, ට්‍රක් රථ 04ක්, ඩිෆෙන්ඩර් 3ක්, ලෑන්ඩ් කෘෂර් 3ක්, කැබ් 2ක්, බස් 2ක් ඇතුළු යුද හමුදා වාහන 20ක් ද ලබා දී ඇතැයි වටගල මහතා එහිදී කියා සිටියේය.
එසේම ලංකාවේ දැනට ඇති හොඳම බෙන්ස් රථය ඇතුළු තවත් වාහන 7ක්ද, අධි ආරක්ෂිත බෙන්ස් රථය සඳහා පෙට්‍රල් ලීටර 750ක්ද, ඩීසල් ලීටර 1200ක්ද, ස්මිත් ඩිටෙක්ෂන් එක්ස්රේ යන්ත්‍ර, පරීක්ෂා කිරීමේ ගේට්ටු, මයින් ඩිටෙක්ටර ඇතුළු තවත් උපකරණ ද ලබා දී ඇතැයි ඔහු පෙන්වාදුන්නේය.
ඔහු විසින් ලබාදුන්‍ පෙත්සමේ හිටපු ජනපති මහින්ද රාජපක්ෂ, මැතිවරණ කොමසාරිස්වරයා, කුරුණෑගල තේරීම් භාර නිලධාරීවරයා සහ පොලිස්පතිවරයා වගඋත්තරකරුවන් ලෙස නම් කර තිබේ.
