නාමයෝජනා බාරදීමෙන් පසු රොයිටර් පුවත් සේවය වෙත අදහස් දක්වමින් මහින්ද රාජපක්ෂ පවසා ඇත්තේ අද මහජනතාවට අවශ්‍ය වෙනසක් බැවින් පක්ෂයේ සභාපතිවරයා වන මෛත්‍රීපාල සිරිසේන ජනාධිපතිවරයා සමඟ එකතු වී මැතිවරණ ප්රචාරක කටයුතු මෙහෙයවා නිදහස් පක්ෂය ජයග්‍රහණය වෙත ගෙන යාමට පියවර ගන්නා බවයි.
මහින්ද රාජපක්ෂ මෙවර මැතිවරණය සඳහා කුරුණෑගල දිස්ත්‍රික්කයෙන් ඉදිරිපත් වේ.
මේ අතර අගෝස්තු 17 වැනිදා පැවැත්වෙන මහමැතිවරණයේ ප්රචාරක ව්‍යාපාරයන්ට ජනාධිපති මෛත‍්‍රිපාල සිරිසේන සක්‍රියව දායක නොවනු ඇතැයි අග‍්‍රාමාත්‍ය රනිල් වික‍්‍රමසිංහ ප්රකාශ කළ බව ‘‘ ද හින්දු ’’ පුවත්පත පවසා තිබේ.
‘‘ ද හින්දු ’’ පුවත්පත වාර්තා කරන පරිදි මාධ්‍යවේදියෙකු කළ ප‍්‍රශ්න කිරීමකට පිළිතුරු දෙමින් අග‍්‍රාමාත්‍යවරයා වැඩිදුරටත් ප්රකාශ කර ඇත්තේ මෛත‍්‍රිපාල සිරිසේන ශ්රී ලංකා නිදහස් පක්ෂයේ නායකයා මෙන්ම රටේ ජනාධිපතිවරයා බැවින් පක්ෂයේ ක‍්‍රියාකාරකම්වලට ඔහු සහභාගි වන්නේ ඒ බව සිහි තබා ගෙන බවයි.
