වැඩිදුරටත් අදහස් දක්වමින් ෆාරුක් මහතා පවසන්නේ යුද්ධයෙන් බරපතල හානි සිදුවී පිරිසක් වෙනත් තැන්වල සිටියදී ඉදිරි පාර්ලිමේන්තු මහ මැතිවරණය ඉලක්ක කර ගෙන ඔවුන්ගේ හිතවතුන් හට රජයේ මුදල් වලින් රුපියල් 10,000ක් සහ මහන මැෂින් ලබා දීමට කටයුතු කරමින් සිටින බවයි.
රජයේ මුදල් වලින් භාණ්ඩ ලබා දෙනවා නම් අදාල දිස්ත්‍රික්කයේ ප්‍රාදේශීය ලේකම්ගේ අනුදැනුම මත ලබාදිය යුතු බව ඔහු පවසයි. පාර්ලිමේන්තුව විසිරුවා තිබෙන මේ මොහොතේ මෙවැන්නක් සිදු කළ යුතු නම් එය කලයුත්තේ ප්‍රාදේශීය ලේකම් වරයා විසින් මිස රිෂාඩ් බදුරුදීන් මහතා විසින් නොවන බව ඔහු පවසයි.
මහින්ද රාජපක්ෂගේ ආණ්ඩුවේ සිටියදී වංචා දූෂණ සිදුකර දැන් දැන් මේ පැත්තට පැන යහපාලනය නාස්තිකරමින් සිටින බවත් මේ ගෙනයන වැඩපිලිවල කඩාකප්පල් කිරීමට උත්සාහ දරන බව ඔහු පවසයි. මේ පිලිබඳව ජනාධිපතිවරයා මීට වඩා සොයාබැලිය යුතුව ඇති බවත් මෙම අකටයුතුකම් පිලිබඳ සොයාබැලීමට අග්‍රාමාත්‍යවරයාටද වගකීමක් ඇති බව ඔහු වැඩි දුරටත් පවසයි.
