වයස අවුරුදු 18 ට අඩු දරුවන් අන්තර්ජාල පහසුකම් සපයන පෞද්ගලික ස්ථානවලට ඇතුළුවීම තහනම් කරමින් යාපනය මහේස්ත‍්‍රාත් අධිකරණය ඉකුත්දා නියෝගයක් නිකුත් කළේය.ඒ අනුව වයස අවුරුදු 18 ට අඩු කිසියම් දරුවෙකුට අන්තර්ජාල පහසුකම් සපයන පෞද්ගලික ස්ථානයකට ඇතුළු විය යුතු නම් ඒ සඳහා ඔවුන් සිය මව්පියන්, ගුරුවරුන් හෝ වෙනත් වැඩිහිටියෙකු සමග පැමිණිය යුතු බවයි අධිකරණය නියෝග කළේ.
වැඩිහිටියන් නොමැතිව දරුවන්ට අන්තර්ජාල පහසුකම් ලබාදෙන ඉන්ටර්නෙට් කැෆේ අයිතිකරුවන් අත්අඩංගුවට ගත යුතු බවද අදාළ අධිකරණ නියෝගයේ සඳහන් වේ.
මෙම නියෝගය බලපැවැත්වෙන්නේ යාපනය මහේස්ත‍්‍රාත් අධිකරණයට අයත් බලප‍්‍රදේශය තුළය.
මෙම තීරණය දිවයින පුරා කි‍්‍රයාත්මක කිරීම වැදගත් පියවරක් වන බව නටාෂා බාලේන්ද්‍රන් මහත්මිය පෙන්වා දෙයි.මේ වනවිට ළමා රක්ෂණ අධිකාරිය මෙම තත්වය පිළිබදව විශේෂ අධ්‍යයනයක් ආරම්භ කර ඇති බවද පැවසුවාය.
