77න් පසු පැවති ආකාරයේ යුගයක් ඇති යළි ඇති කරන බවත් එජාපය 77න් පසු සිදු කළ යෝධ සංවර්ධනය සිදු කරනු ලැබුවේ ආධාර වලින් මිස ණය වලින් නොවන බවත් එබදු දියුණුවක් අද රටේ තරුණ පිරිස බලාපොරොත්තු වන අතර එය සිදු කළ හැක්කේ එජාපයට හා අගමැතිවරයාට පමණක් බවත් හෙතෙම පැවසුවේය.
අද වන විට උදව් කිරීමට බලාපොරොත්තුවෙන් සිටින රටවල් බලා සිටින්නේ පාර්ලිමේන්තු මැතිවරණයේ ප්‍රතිඵල එන තෙක් බවත් එජාප ආණ්ඩුවකදී ආයෝජකයින් විශාල පිරිසක් උපකාර කිරීමට බලා සිටින බව කීවේය.
එජාපයට ලබන මැතිවරණයේදී ආසන 115කට වඩා හිමිවන අතර අද වන විට ප්‍රායෝගිකව බලන කළ ශ්‍රීලනිපයක් නොමැති බවත් පැවසුවේය. ශ්‍රීලනිපය පිරිසක් විසින් මංකොල්ල කා ඇති බවත් අද වන විට එය අන්තවාදයෙන් පිරී ඇති බවත් පැවසුවේය.
'මහින්ද එදාත් පරාදයි අදත් පරාදයි එය තමයි තිත්ත ඇත්ත. පසුගිය මැතිවරණයේදී ඔහුට රාජ්‍ය බලය තිබියදී රජයේ මුදල් පාවිච්චි කරමින් මැතිවරණය දිනන්නට උත්සාහ කළා. සන්දර්ශන පවත්වමින් කටයුතු කලත් දිනන්නට බැරිවූ ඔහුට මේ මැතිවරණයෙන් කිසිසේත් ජයගත නොහැකියි 'යනුවෙන් අමාත්‍යවරයා පැවසුවේය.
මෙවර ඒකාබද්ධ විපක්ෂයට පසුගිය මැතිවරණයේදී ලැබුණු ඡන්ද වලින් 40%ක් හැලෙන බවත් එයින් බහුතරය හිමිවන්නේ එජාපයට බව කියා සිටියේය.
පසුගිය ජනාධිපතිවරණය පැරදීවත් පාඩමක් ඉගෙන නොගත් පිරිස අද වන විටත් ජාතිවාදය මුල්කරගෙන කටයුතු කරන බව පැවසුවේය.එජාප ආණ්ඩුවක් පිහිටුවා රට තුළ නව යුගයක් බිහි කරන බව හෙතෙම වැඩිදුරටත් පැවසුවේය.
සම්පූර්ණ හඩපටයට පහතින් සවන්දෙන්න
