සොයාගනු ලැබූ අදාළ අංක සහිත සිම්කාඩ් පත් ජංගම දුරකථන 22ට දමා ඇමතුම් ලබාගෙන ඇතැයි රහස් පොලීසිය විසින් අනාවරණය කරගෙන ඇත.
මෙම දුරකථන 22 දිවයිනට ගෙන්වා ඇත්තේ කවුරුන්දැයි සොයාගැනීම සඳහා රේගුවට වාර්තාවක් ලබාදෙන ලෙස අධිකරණයෙන් නියෝගයක් නිකුත් කර ඇතැයිද එම වාර්තාව තවමත් ලැබී නැතැයිද පොලිස් මාධ්‍ය ප්‍රකාශක සහකාර පොලිස් අධිකාරි රුවන් ගුණසේකර මහතා කියා සිටියේය.
එසේම අදාළ ජංගම දුරකථන වලින් ගනු ලැබූ ඇමතුම් පිළිබඳ විශ්ලේෂණ වාර්තාවක් ලබාදෙන ලෙසට විදුලි සංදේශ නියාමන කොමිසමටද අධිකරණයෙන් නියෝගයක් නිකුත් කර ඇති බවත් එම වාර්තාවද ලැබීමට නියමිත බව ඔහු කියා සිටියේය.
අදාළ වාර්තා ලැබුණු පසු ඉදිරි ක්‍රියාමාර්ග ගැනීමට කටයුතු කරන බව පොලිස් මාධ්‍ය ප්‍රකාශකවරයා පැවසීය.
