ඒ අනුව හාරසියයක්‌ පමණ වන කාර්ය මණ්‌ඩලය අතරින් 70 දෙනකු මීට සති තුනකට පමණ පෙර මාරු කෙරුණු අතර පසුගිය සතියේදී තවත් පනස්‌ දෙනකුට ස්‌ථාන මාරු ලැබී තිබිණි. මීට අමතරව තවත් සාමාජිකයන් හැට පස්‌දෙනකුගේ ලේඛනයක්‌ සකස්‌ කර ඇතැයි ජනාධිපති කාර්යාල ආරංචි මාර්ග අනාවරණය කරයි.
පසුගිය ආණ්‌ඩුව සමයේ දහසක්‌ පමණ වූ ජනාධිපති කාර්ය මණ්‌ඩලය හයසියයක පමණ ප්‍රමාණයකින් අඩු කිරීමට ජනාධිපති මෛත්‍රීපාල සිරිසේන මහතා පියවර ගත්තේය.
මේ වන විට මාරු කරමින් සිටින නිලධාරීන් වෙනුවට වෙනත් ආයතනවලින් නිලධාරීන් යොදා ගැනෙන බවද ඉහත ආරංචි මාර්ග සඳහන් කරයි.
කෙසේ වුවද මෙම සේවක මාරු වීම සඳහා පදනමක් නැති බව සේවකයන් පැවැසූවද මේ දක්වා එම කාර්ය මණ්ඩලයේ සේවය කරන බහුතරය හිටපු ජනාධිපතිවරයා විසින් පත් කෙරුණු ඔහුට හිතවත් පිරිසක් බව කියැවේ. මේ හේතුව නිසා එම කාර්යලයේ සිදුවීම පිටතට වාර්තා වීම සිදුවෙමින් පවතින බව හෙළිව තිබිණි.
