පසුගියදා ලොරි හතරක පටවා අරක්කු බෝතල් 68,000 ක් දෙමටගොඩ ප්‍රදේශයේ ව්‍යාපාරික ස්‌ථානයක සඟවා තිබීම සම්බන්ධයෙන් සුරාබදු දෙපාර්තමේන්තුව විමර්ශන ආරම්භ කරනු ලැබීය. එහිදී ප්‍රධාන සමාගමට සහ තොග ගබඩාවට සීල් තබා දෙකෝටි දාහතර ලක්‌ෂ අසූඅටදහසක දඩ මුදලක්‌ පැනවීමට සුරාබදු කොමසාරිස්‌ ජනරාල් එල්. කේ. ජී. ගුණවර්ධන මහතා පියවර ගෙන තිබිණි.
මෙම සමාගමේ බලපත්‍රය පසුගිය රජයේ ඇමැතිවරයකු වූ ජොන්ස්ටන් ප්‍රනාන්දු මහතාගේ ළඟම ඥතීන් දෙදෙනකුගේ නමට පවතින බව සුරාබදු දෙපාර්තමේන්තුව අනාවරණය කරගෙන තිබිණි.
ජනවාරි මස 17 වන දින පොලිසිය මගින් මුල්ම වැටලීම කර වැඩිදුර විමර්ශන සඳහා සුරාබදු දෙපාර්තමේන්තුව වෙත ජනවාරි 19 වැනිදා විමර්ශන බාරදී තිබිණි.
එම සමාගමේ අධ්‍යක්‍ෂවරයකු ලෙස ජනවාරි 29 වැනිදා බඳවා ගත් අයකු අදාළ දඩ මුදල ගෙවීමට පියවර ගෙන ඇතැයි සුරාබදු දෙපාර්තමේන්තු උසස්‌ නිලධාරියෙක්‌ ඊයේ (16 වැනිදා) පැවැසීය.
දඩ මුදල ගෙවීමට පියවර ගෙන ඇතත් කෝටියකට අධික තවත් හිඟ බදු මුදලක්‌ ගෙවන තෙක්‌ අදාළ සමාගමේ නිෂ්පාදන කටයුතු සිදුකිරීමේ හැකියාවක්‌ නැතැයිද එම නිලධාරියා වැඩිදුරටත් කියා සිටියේය.
