මඩකලපුව දිස්ත්‍රික්කයේ කාත්තන්කුඩි ප්‍රදේශයේ හා අම්පාර දිස්ත්‍රික්කයේ අඩ්ඩලචේනෙයි ප්‍රදේශයේ පවත්වන ලද උද්ඝෝෂණ සඳහා මුස්ලිම් ජාතිකයෝ විශාල පිරිසක් සහභාගී වුහ.
ඊශ්‍රායල ප්‍රහාරවලට විරෝධය පාමින් මුස්ලිම් විරෝධතාකරුවන් විසින් ඇමරිකාවේ හා ඊශ්‍රායලයේ ජාතික ධජ ගිනි තබා තිබේ.
විරෝධතාකරුවෝ ඊශ්‍රායල ප්‍රහාරයන්ට හසුව මරණයට පත් දරුවන්ගේ ඡායාරූප සහිත පුවරු අතින් ගෙන ඊශ්‍රායල ප්‍රහාරවලට ඔවුන්ගේ විරෝධය පල කළහ.
රාමසාන් විශේෂ යාච්ඤාව සඳහා මුස්ලිම් පල්ලිවලට එක් වූ මුස්ලිම් ජාතිකයන් ආගමික කටයුතු අවසාන කිරීමෙන් අනතුරුව වීදි බැස උද්ඝෝෂණයේ නිරතවිය.
ඇමරිකාව හා ඊශ්‍රායලයට විරුද්ධ, පලස්තීනයට පක්ෂ සටන් පාඨ කියමින් ‘යුද්ධය නතර කර මුස්ලිම් ජනතාවට ආධාර කිරීමට ජාත්‍යන්තරය ඉදිරිපත් විය යුතුයි’ යන්න නැගෙනහිර මුස්ලිම් ජනතාව අවධාරණය කර සිටිති.
(බිබිසි සංදේශය)
