‘මේ වනවිට පක්ෂයේ ආසන බලමණ්ඩල, දිස්ති‍්‍රක් බලමණ්ඩල සංවිධානය කරමින් යනවා. 1948 සිට අවුරුදු 67ක් එක්සත් ජාතික පක්ෂයත් ශී‍්‍ර ලංකා නිදහස් පක්ෂයත් මාරුවෙන් මාරුවට රට පාලනය කළා. දැන් මාස 5ක කාලයක් හවුලේ රට පාලනය කරමින් ඉන්නවා. එම පක්ෂ දෙක තට්ටුමාරු ක‍්‍රමයටත් හවුලෙත් රට පාලනය කරලා අසාර්ථකවෙලා තිබෙනවා. එනිසා ජනතාවට අලූත් මගක් ඕනෑ. අලූත් වැඩපිළිවෙළක් වෙනුවෙන් ජනතාවට තිබෙන එකම දේශපාලන පක්‍ෂය ජනතා විමුක්ති පෙරමුණ විතරයි.‘ යැයි ඔහු පෙන්වා දුන්නේය.
‘ජනවාරි 08වැනිදා එක්සත් ජනතා නිදහස් සන්ධානය පරාජයට පත්වුණා. නමුත් පාර්ලිමේන්තු මැතිවරණයක් පැවැත්වූවේ නැති නිසා තවමත් පාර්ලිමේන්තුවේ බහුතරය තිබෙන්නේ ඔවුන්ටයි. මේ ආණ්ඩුවේ ජනාධිපති ශී‍්‍රලනිපයේ සභාපතියි. මේ ආණ්ඩුවේ අගමැති එක්සත් ජාතික පක්ෂයේ නායකයායි. එනිසා මේ ආණ්ඩුවට තිබෙන්නේ දෙබිඩි මූණක්. ශී‍්‍ර ලංකා නිදහස් පක්‍ෂය ආණ්ඩුවෙත් ඉන්න ගමන් විපක්‍ෂනායක ධූරයෙත් වැඩ කරනවා. එහෙම ඉද්දී ජනතා බලාපොරොත්තු කඩ කරනවා. වැඩක් කෙරෙන්නේ නැහැ. පාර්ලිමේන්තුවේ මන්තී‍්‍රවරුන් බල්ටි ගහනවා. විසිල් ගහනවා. ජනතාව මේ දිහා බලා සිටිය යුතුද?‘ යැයිද ටිල්වින් සිල්වා මහතා වැඩිදුරටත් පැවසී ය.
