මෛත්රීපාල ජනාධිපතිවරයා මේ වසරේ සැප්තැම්බර් මාසයේ ජිනීවාහි පැවැත්වීමට නියමිත එකසත් ජාතීන්ගේ මානව හිමිකම් කවුන්සිලයේ සැසිවාරය සඳහා සහබාගි වීමට බලාපොරොත්තුවෙන් සිටින බව එකසත් ජාතීන්ගේ මහලේකම්වාරයට දැනුම් දී ඇතැයි රජයේ වෙබ් අඩවිය සඳහන් කර තිබේ.
මෙම සැසිවාරය මෛත්රීපාල රජයට ඉතා වැදගත් වන්නේ රජය මෙම සැසිවාරයෙන් පසු යුධ අපරාධ චෝදනා විභාග කිරීම සඳහා පරීක්ෂණයක් පැවැත්වීමට නියමිතව සිටින නිසයි. ජනවාරි මාසයේ සිරිසේන ජනාධිපතිවරයා පත්වීමෙන් පසු ඇමරිකාව ඇතුළු මිත්ර පාක්ෂික රටවල් ලංකාවේ යුධ අපරාධ සම්බන්ධ වර්තාව ඉදිරිපත් කිරීම සැප්තැම්බර් මාසය දක්වා කල් දමා තිබුණි.
එහිදී ඔවුන් කොන්දේසියක් ලෙස ඉදිරිපත් කර තිබුනේ යුධ අපරාධ සම්බන්ධයෙන් ලංකාව තුලත් විශ්වසනීය පරීක්ෂණයක් සැප්තැම්බර් මාසයේ ඇරඹිය යුතුය යන්නයි.
කෙසේවතත් මෛත්රීපාල ජනාධිපතිවරයා මානව හිමිකම් සමුළුව සඳහා සහභාගී වීමට තීරණය කිරීමෙන් පෙනී යන්නේ ඔහු යුධ අපරාධ පරීක්ෂණයක් ඇරඹීමට සුදානම් බවයි. නමුත් එවැනි වැඩපිළිවෙලක් පිළිබඳ කිසිදු සුදානමක් දකින්නට නොමැත.
මීට පෙර 2014 වසරේ මහින්ද රාජපක්ෂ යුගයේ අතුරුදන් වූවන් පිළිබඳ විමර්ශනය සඳහා පත්කළ මැක්ස්වෙල් පරණගම කමිටුව සිය මූලික වාර්තාව ඉදිරිපත් කර අවසන් කර තිබේ.
Leave a comment