සේවයේ අවශ්‍යතාව මත පොලිස්පතිවරයා විසින් ඊයේ(05) දිනයේ සිට ක්‍රියාත්මක වන පරිදි එම ස්ථාන මාරුවීම් ලබාදී ඇත.
තිස්සමහරාම පොලිස් ස්ථානාධිපතිවරයාව සිටි ප්‍රධාන පොලිස් පරීක්ෂක පී.එච්.ජනක කුමාර මහතා බණ්ඩාරවෙල කොට්ඨාශ අපරාධ විමර්ශන ඒකකයට මාරුකර යවා තිබේ.
මොරවැව පොලිස් ස්ථානාධිපතිවරයා වශයෙන් කටයුතු කළ ප්‍රධාන පොලිස් පරීක්ෂක ඩබ්ලිව්. එම්. ධම්මික මහතා තිස්සමහරාම පොලිස් ස්ථානාධිපතිවරයා ලෙස මාරු කර යවා ඇති අතර බණ්ඩාරණායක සම්මන්ත්‍රණ ශාලාව භාරව කටයුතු කළ ස්ථානාධිපති ප්‍රධාන පොලිස් පරීක්ෂක පී.ඒ.ඩී.එස්.අතරගම මහතා මොරවැව පොලිස් ස්ථානාධිපතිවරයා ලෙස මාරුකර යවා ඇති බව සඳහන්ය.
කොස්ගම පොලිස් ස්ථානාධිපති ප්‍රධාන පොලිස් පරීක්ෂක පී.ආර්. සුනිල් මහතා බණ්ඩාරනායක සම්මන්ත්‍රණ ශාලා භාර ස්ථානාධිපතිවරයා ලෙස මාරුකර යවා ඇති අතර ලුණුගම්වෙහෙර ස්ථානාධිපති ප්‍රධාන පොලිස් පරීක්ෂක ඒ. අයි. ගමගේ මහතා කොස්ගම පොලිස් ස්ථානය වෙත මාරු කර යවා තිබේ.
බණ්ඩාරවෙල කොට්ඨාශයේ කටයුතු කළ පොලිස් පරීක්ෂක එච්. පී. දිසානායක මහතා ලුණුගම්වෙහෙර පොලිස් ස්ථානාධිපතිවරයා ලෙස මාරුකර යවා ඇති බව පොලිස් මාධ්‍ය ප්‍රකාශකවරයා සඳහන් කළේය.
