ඒ අනුව බණ්ඩාරවෙල දිස්ත්‍රික් අපරාධ විමර්ශන ඒකකයේ ස්ථානාධිපතිවරයා වශයෙන් කටයුතු කළ ප්‍රධාන පොලිස් පරික්ෂක පී.එම්. ජයරත්න මහතා හම්බන්තොට මූලස්ථාන පොලිස් පරික්ෂකවරයා ලෙසත්, හම්බන්තොට මූලස්ථාන පොලිසියේ ස්ථානාධිපතිවරයා වශයෙන් කටයුතු කළ පොලිස් පරික්ෂක ඩී.පී.බුද්ධික මහතා බදුල්ල කොට්ඨාශයටත් මාරුකර යවා තිබේ.
ඌව පරණගම පොලිසියේ ස්ථානාධිපතිවරයා වශයෙන් කටයුතු කළ පොලිස් පරික්ෂක ඒ.ඩී.වසන්ත මහතා බද්දේගම පොලිස් ස්ථානාධිපතිවරයා ලෙසත්, තංගල්ල කොට්ඨාශයට අනුයුක්තව සේවය කළ පොලිස් පරික්ෂක කේ.එම්.එල් ජනක ප්‍රිය මහතා ඌව පරණගම පොලිසියේ ස්ථානාධිපතිවරයා ලෙසත්, දියතලාව පොලිසියේ ස්ථානාධිපතිවරයා ලෙස කටයුතු කළ එල්.පී.බී. සමරසිංහ මහතා කොට්ටාව පොලිසියේ ස්ථානාධිපතිවරයා ලෙසද මාරුකර යවා ඇති බව සඳහන්ය.
එමෙන්ම බද්දේගම පොලිසියේ ස්ථානාධිපතිවරයා ලෙස කටයුතු කළ පොලිස් පරික්ෂක එච්.කේ.හරිත් මහතා දියතලාව පොලිස් ස්ථානාධිපතිවරයා ලෙසත්, කොට්ටාව පොලිස්ථානාධිපතිවරයා ලෙස කටයුතු කළ උපපොලිස් පරික්ෂක යු.ඩබ්ලිව්.එස් තිලකසිරි මහතා බොරැල්ල අපරාධ විමර්ශන ඒකකයේ ස්ථානාධිපතිවරයා ලෙසත් මාරුකර යවා තිබේ.
අද(01) දිනයේ සිට මොවුන් ස්ථානමාරුකිරිම් සිදුකර ඇති බව වාර්තාවේ.
