කොරියානු රැකියා සඳහා පිටත්ව යෑම වෙනුවෙන් රුපියල් 15,000 බැගින් වැයකරමින් වාර දෙකකදී වෛද්‍ය වාර්තා පවා සකස් කරගත් බව පවසන ඔවුහු විදේශ සේවා නියුක්ති කාර්යාංශයේ අවිධිමත් වැඩපිළිවෙළ නිසා තමන් කබලෙන් ළිපට වැටී ඇතැයි පවසති.
ලබන මස 26 වැනිදායින් කොරියානු රජය සමඟ ඇති තම සේවා ගිවිසුම් කාලය අවසන් වන බව ඔවුහු පවසති.
මීට විරෝධය පළ කරමින් කාර්යාංශය ඉදිරිපිටදී සහ කොළඹ කොටුව දුම්රියපොළ ඉදිරිපිටදී අවස්ථා කිහිපයකදීම මොවුන් උද්ඝෝෂණ කර ඇති අතර කොරියානු රජයේ ශ්‍රමිකයන් සම්බන්ධ නීති රෙගුලාසිවලට අනුව උද්ඝෝෂණය කිරීම් ආදිය තහනම් නිසා මොවුන් අසාදු ලේඛනගත කිරීමට කොරියානු රජය පියවර ගෙන තිබේ.
මේ පිළිබඳ විදේශ රැකියා ප්‍රවර්ධන හා සුබසාධක කටයුතු අමාත්‍ය ඩිලාන් පෙරේරා මහතාගෙන්කළ විමසීමේදී හෙතෙම පැවැසුවේ මේ සම්බන්ධ ලිපියක් කොරියානු රජයෙන් ලැබී ඇති බවත් කොරියානු රජයේ ප්‍රධානීන් හමුවී මෙම ගැටලුව විසදා ගැනීමට තමන් ඉදිරි සතියේදී කොරියාවට යන බවත්ය.
(මව්බිම)
