ඒකපුද්ගල ආදායම, ආයු අපේක්ෂාව, සෞඛ්‍ය සම්පන්නභාවය සහ රටේ දූෂණ අක්‍රමිකතා මෙන්ම සමාජ නිදහස සැලකිල්ලට ගනිමින් මෙම දර්ශකය සකස් කෙරෙන බව සඳහන්ය.
2013 වර්ෂයේ එම දර්ශකයේ 137 වන ස්ථානයේ පසුවු ශ්‍රී ලංකාව මෙවර 132 වන ස්ථානය දක්වා ඉහළට පැමිණ තිබේ.
අදාළ දර්ශකය එක්සත් ජාතීන්ගේ සංවිධානය යටතේ ක්‍රියාත්මක තිරසාර සංවර්ධන විසඳුම් ජාලය මඟින් සකස් කරනු ලබන අතර ඒ සඳහා රටවල් 158ක් යොදාගෙන ඇති බව සඳහන්ය.
මෙවර දර්ශකයේ ප්‍රථමස්ථානයට ස්විට්සර්ලන්තය පත්ව ඇත.දෙවන ස්ථානයට අයිස්ලන්තය පත්ව ඇති අතර, ඩෙන්මාර්කය තෙවන ස්ථානයටත් නෝර්වේ රාජ්‍ය සිව්වන ස්ථානයටත් කැනඩාව පස්වන ස්ථානයටත් පත්ව තිබේ.
ඉන්දියාව ප්‍රීතිමත් රටවල් අතර 117 වන ස්ථානයේ පසුවේ. අැමරිකාව 15 ස්ථානයේත් බ්‍රිතාන්‍ය 21 වන ස්ථානයේත් පසුවේ.
ටොගෝ, බුරුන්ඩි, සිරියා, බෙනින්, රුවන්ඩා යන රාජ්‍යයන් ප්‍රීතිමත් භාවයෙන් අඩුම රටවල් ලෙස හදුනාගෙන ඇත.
