එමගින් ශ්‍රී ලාංකේය සිසු දරුවන්ට විවිධ ක්ෂේත්‍රවලින් අධ්‍යාපනය හා උසස් අධ්‍යාපනය ලබාගැනීම සදහා ඇති අවස්ථාවන් පිළිබඳව දැනුවත් කිරීමක් හා මඟ පෙන්වීමක් සිදු කරනු ලබයි.
පාසල් සිසුන්ට පමණක් නොව උපාධිල පශ්චාත් උපාධි හා ඩිප්ලෝමා අපේක්ෂයින්ට මෙන්ම අධ්‍යාපන උපදේශකයින්/ගුරුවරුන් / රැකියා සොයන්නන් / මූල්‍ය ආයෝජකයින් හා කලමණාකරුවන් / වීසා උපදේශකයින් / අධ්‍යාපන ණය දෙන බැංකු යනාදි බොහෝදෙනාට ඉතා වැදගත් අවස්ථාවක් වශයෙන් මෙම ජාත්‍යන්තර අධ්‍යාපන ප්‍රදර්ශනය හැඳින්විය හැකිය.
පස්වන වරටත් පැවැත්වෙන මෙම ජාත්‍යන්තර අධ්‍යාපන ප්‍රදර්ශනය සඳහා සහභාගී වන විශ්ව විද්‍යාල හා උසස් අධ්‍යාපන ආයතන මගින් ඉංජිනේරු/ තාක්ෂණ /කළමනාකරන /තොරතුරු තාක‍ෂණ/ ගෘහ නිර්මාණ ශිල්පය / විලාසිතා/ සංගීත යනාදී විෂයයන් රැසකින් උසස් අධ්‍යාපන අවස්ථාවන් ප්‍රදානය කරනු ලබයි.
එමෙන්ම වෘත්තීය හා තාක්ෂණ ආයතන මගින් නීති/ ගුවන් නියමු/ මූල්‍ය/ මාධ්‍ය/ හොටෙල් කළමනාකරනය/ ව්‍යාපාර කළමනාකරනය/ විදේශීය භාෂා යනාදී උසස් අධ්‍යාපන අවස්ථාවන් පිළිබඳව මෙරට සිසුන්ට මඟ පෙන්වීමක් සිදු කරනු ලබයි.
ජාලගත හා දුරස්ථ අධ්‍යාපන අවස්ථාවන් පිළිබඳව සැලකිළිමත් වන උපාධි අපේක්ෂිතයින් සඳහා සේවා සලසන අධ්‍යාපන ආයතන රැසක් ද මෙවර ජාත්‍යන්තර අධ්‍යාපන ප්‍රදර්ශනය 2014 සඳහා සහභාගී වේග විදේශීය විශ්ව විද්‍යාල සමග මුහුණට මුහුණ සාකචිඡා කොට තමන්ට අවශ්‍ය කරන අධ්‍යාපන සුදුසුකම් ලබා ගැනීම සඳහා දැනුවත්වීමට මෙරට සිසුන්ට ලැඛෙන අනගි අවස්ථාවක් ලෙස මෙය හැදින්විය හැකිය.
එපමණක් ද නොව උසස් අධ්‍යාපනය සඳහා ණය දෙන මූල්‍ය ආයතන මෙන්ම වීසා සඳහා උපදේශන සේවා යනාදි පහසුකම් ද එකම ස්ථානයකින් ලබා ගැනීමට මෙරට උපාධි අපේක්ෂිතයින්ට වරම් හිමි වේ.
පසුගිය වසරේ බණ්ඩාරනායක ප්‍රදර්ශන හා සම්මන්ත්‍රණ ශාලාවෙහි පැවැත්වූ උසස් අධ්‍යාපන ප්‍රදර්ශනයට මෙරට පාසල් හා උසස් අධ්‍යාපනය හදාරන සිසුන්ගේ ඉහල සහභාගීත්වයක් දක්නට ලැබුණු අතර උසස් අධ්‍යාපනය ලැබීම සඳහා වන අනඟි අවස්ථාවක් වශයෙන් මෙම ජාත්‍යන්තර අධ්‍යාපන ප්‍රදර්ශනය හැඳින්විය හැකිය.
