අක්කර 140ක භූමියක් පුරා පැතිර ඇති මෙම සත්වෝද්‍යානය ඉදි කිරීම වෙනුවෙන් රුපියල් මිලියන 862ක් වැය කර තිබේ. මෙම සත්වෝද්‍යානය තුළ සියලුම සතුන් විවෘත භූමියක රඳවා ඇති අතර නිදැල්ලේ සැරි සැරිමට ඉඩ සලසා තිබීම විශේෂත්වයකි.
නරඹන්නන්ටද මෙහි සිටින සතුන් පැති කිහිපයකින් නැරඹීමට හා සතුන්ගේ හැසිරීම් නිරීක්ෂණය කිරීමට පහසුකම් සලසා තිබේ.මෙය පින්නවල අලි අනාථාගාරයට ආසන්නයේ ඉදිවේ.
මෙම එළිමහන් සත්වෝද්‍යානය තුළ ලංකාවට ආවේණික සත්ව විශේෂ විශාල ප්‍රමාණයක් දැක ගැනීමට හැකියාව ලැබේ. එසේම මේ මස 17 වනදා සිට 30 වනදා දක්වා කිසිදු අයකිරීමකින් තොරව මෙම සත්වෝද්‍යානය නැරඹීමට අවස්ථාව ලබා දෙන බව ජාතික සත්වෝද්‍යාන දෙපාර්තුමේන්තුවේ අධ්‍යක්ෂ ජනරාල් අනුරුද්ධ සිල්වා මහතා පවසයි.
සංචාරක කටයුතු ප්‍රවර්ධනය කිරීම මෙම නව එළිමහන් සත්වෝද්‍යානය ඉදිකිරීමේ අරමුණ වී තිබේ.
