කැබිනට් මණ්ඩලය අනුමත කරනු ලැබූ මෙම යෝජනාව අධිකරණ අමාත්‍ය විජයදාස රාජපක්ෂ අමාත්‍යවරයා විසින් ඉදිරිපත් කරන ලද්දක් බව කැබිනට් ප්‍රකාශක රාජිත සේනාරත්න මහතා අද (03) පැවති කැබිනට් තීරණ දැනුම් දීමේ මාධ්‍ය හමුවේදී කියා සිටියේය.
ශ්‍රී ලංකාව අත්විදිනු ලැබූ සන්නද්ධ අරගලය දෙස ආපසු හැරී බලා සාමය ගොඩනගන යුගයක් උදා කර ගැනීමේ අභිලාෂයෙන් උගත් පාඩම් හා ප්‍රතිසංධාන කොමිසම පත් කෙරුණි.පසුගිය දශක පහක කාලය තුළ සිදු කෙරුණු වෛරය දනවන ස්වරූපයේ අදහස් පළකිරීම් වාර්ගික අසමගියට දායක වී ඇති ආකාරය කොමිසම විසින් නිරීක්ෂණය කර ඇත.
ජනවාර්ගිකත්වය සහ ආගම සම්බන්ධයෙන් සිදු කරන වෛරය දනවන ප්‍රකාශනයන් නිසා සිදු වන හානි වැළැක්වීමට නීති පැනවිය යුතු බවත්,එම නීති තරයේම බලාත්මක කළ යුතු බවට එම කොමිසම ද නිර්දේශ ඉදිරිපත් කර තිබු බව රාජිත සේනාරත්න මහතා වැඩිදුරටත් සදහන් කළේය.
