නුගේගොඩ නගරයට පහලොස් දහස්ක පමණ ජනතාවක් එක් රැස්කර විශාල රැල්ලක් මහින්ද රාජපක්ෂට ඇති බව පෙන්වීමට ගත් උත්සහය ඉන් පසුව පැවැති රැළි වලදී අසාර්ථ වූ බව පොලිස් වාර්තා අනුව පැහැදිලි බව පෙනී ගොස් ඇත. මහනුවර පැවැති රැලියට පන්දහසක් වත් ජනකායක් රැස්වූ යේ නැති බැවින් සිය උපරීම හැකියාව යොදවා පැවැත්වූ රත්නපුර රැලියට ගෙන්වා ගැනීමට හැකිව තිබුණේද 7000ක පමණ පිරිසක් බව පොලිස් වාර්තා වල සඳහන් වේ.
මෙම පිරිසද ඒකරාශී කරගෙන ඇත්තේ සංවිධානාත්මකව රට පුරා විසිර සිටින රාජපක්ෂ අනුගාමිකයන් ගෙන්වා ගැනීමෙන් බවත් දැන ගැනීමට තිබේ. නුගේගොඩත් මහනුවරත් රත්නපුරයෙන් සිටියේ එකම කණ්ඩායම් බවද පෙනි ගොස් ඇත. මේ අනුව රාජපක්ෂ රැල්ල යනු ජනාධිපතිවරණ සමයේදි කටවුට් මඟින් මවා පෑ බොරු රැල්ලක් බව පැහැදිලි බවත් ශ්‍රී ලනීප ජේෂ්ඨයෝ සඳහන් කරති. එමෙන්ම මහින්ද පස්සේ වැටී සිටින ශ්‍රී ලනීප මන්ත්‍රීවරු මැතිවරණයෙදී යළි ශ්‍රිලනීපය හා එකතුවීම හැර ඔවුන්ට වෙනත් විකල්ප ඉතුරු නොවන බවත් ඔවුන් පෙන්වා දෙයි.
කෙසේ නමුත් මේ සම්බන්ධයෙන් විපක්ෂ නායක නිමල් සිරිපාද සිල්වා මහතා හෙට එජනිස පක්ෂ නායකයන් හමුවී සාකච්ඡා කිරීමට නියමිත බවත් වාර්තාවේ. එහෙත් ඔහු පවසා සිටින්නේ මෙය ප්‍රශ්නයක් නොවන බව ප්‍රනුඛ කාර්යය වී තිබෙන්නේ පාර්ලිමේන්තුව විසුරුවා හැරීමට පෙර ආණ්ඩුක්‍රම ව්‍යවස්ථා සංශෝධන දෙක සම්මත කර ගැනීම බවය.
