1976 වසරේදී ඩර්බන් නගරයේ කළු ජාතිකයින් සහ සුදු ජාතිකයින් ඉගෙන ගන්න විශ්ව විද්‍යාල කීපයකම ප්‍රධාන දේවගැතිවරයා ලෙස එතුමා ක්‍රියාකළේය. මේ කාලයේදී එතුමා වර්ණබේදවාදී ආණ්ඩුව මගින් සිසුන්ට එරෙහිව ක්‍රියාත්මක වදහිංසා පැමිණවීම, රඳවා තබා ගැනීම්, සහ වෙඩි තැබීම් වලට විරුද්ධව විරුද්ධව ක්‍රියාකරනු ලබයි. එසේම මේ වසරේම ක්‍රියාත්මක ශිෂ්‍ය උද්ඝෝෂණයකට සහය දීම හේතුවෙන් මයිකල් පියතුමාව දකුණු අප්‍රිකාවෙන් පිටිවහල් කරනු ලැබීය.
එතුමා ඉන්පසු වාසය ලෙස තෝරාගන්නේ ලෙසතෝ රාජ්‍යයි. මේ අවදියේදී නෙල්සන් මැන්ඩෙලා ප්‍රමුඛ අප්‍රිකානු ජාතික කොංග්‍රසයේ සාමාජිකත්වය ගන්නා එතුමා ලොව පුර සංචාරය කරමින් වර්ණ බේද වාදයට එරෙහිව ක්‍රියා කළේය. ඉන්පසු විවිධ තාඩන පීඩන හේතුවෙන් 1982 වසරේදී සිම්බාබ්වේ රටට පලා යන එතුමා 1990 වසරේදී එනම් නෙල්සන් මැන්ඩෙලා නිදහස ලබා මස තුනකට පසු වර්ණ බේද වාදී සුදු ආණ්ඩුව විසින් එවන ලද පාර්සල් බෝම්බයක් පුපුරා යාමෙන් අත් දෙක සහ ඇසක් අහිමි වේ. නැවත ඔහු දකුණු අප්‍රිකාවට පැමිණෙන්නේ 1992 වසරේදී වන අතර මේ වනවිට එරට දේවස්ථාන කවුන්සිලයේ උප සභාපති ධුරය හොබවයි.
ඉන්පසු මයිකල් පියතුමා විසින් අරඹනු ලබන Institute for Healing of Memories නම් සංවිධානය හරහා අප්‍රිකානු රටවල මෙන්ම ලොව වටා වාසය කරනු ලබන දේශපාලනික් කරුණු මත තාඩන පීඩන වලට ලක්වූ සහ ඒඩ්ස් රෝගයට ගොදුරු වූ පුදගලයන්ගේ මානසිකත්වය ගොඩ නොවීමට පියවර ගනු ලබමින් සිටියි.
ඒ යටතේ මෙරට අබාධිත රණවිරුවන්ට සහ මුලතිව් දිස්ත්‍රික්කයේ සිංහල දෙමල පෙර පාසල ගුරුවරුන් සඳහා වැඩමුළුවක් පැවැත්වීමටද නියමිතව තිබේ. මීට අමතරව මයිකල් ලැප්ස්ලි පියතුමාගේ ජිවන තොරතුරු ඇතුලත් ග්‍රන්ථයක් එළි දැක්වීමද මාර්තු 29 සවස 4ට කොළඹ මහවැලි කේන්ද්‍රයේදී සිදුකිරීමට නියමිතව ඇත.
