තලෙයිමන්නාරම - මැදවච්චිය දුම්රිය මාර්ගයේ තලෙයිමන්නාරම සිට මඩු දක්වා කොටස විවෘත කිරීම ශ‍්‍රී ලංකා දුම්රිය ඉතිහාසයේ වැදගත් හැරවුම් ලක්‍ෂයක් බව දුම්රිය සාමාන්‍යාධිකාරී විජය අමරතුංග මහතා පවසයි. මෙම විවෘත කිරීමත් සමග උතුරේ සියලූ දුම්රිය මාර්ගවල ඉදිකිරීම් ද අවසන් වන බව ඔහු වැඩිදුරටත් කියා සිටියේය.

තලෙයිමන්නාරම සහ මඩු අතර දුම්රිය මාර්ගයේ දුර ප‍්‍රමාණය කිලෝමීටර 63ක් පමණ වේ. ඒ සදහා වැය කර ඇති මුදල අමෙරිකානු ඩොලර් මිලියන 143කි. මෙය ඉන්දීය රජයේ මුදල් ආධාරයක් බවද විජය අමරතුංග මහතා කියා සිටියේය.

කොළඹ සිට තලෙයිමන්නාරම දක්වා ඍජු දුම්රිය ගමන් ආරම්භ වන්නේ ලබන මස 02 වැනිදා සිටය. ඒ දක්වා දුම්රිය දෙකක් යොදා ගනිමින් කොළඹ සිට තලෙයිමන්නාරම දක්වා ගමන් කළ හැකි බව දුම්රිය සාමාන්‍යාධිකාරිවරයා පැවසුවේය.