වර්තමානය වන විට විපක්ෂයට සටන් පාඨ නොමැති බවත් මේ නිසා සංවර්ධන ව්‍යාපෘති නතර කළා යනුවෙන් කෑගසන බවත් ඔහු සදහන් කළේය. මැතිවරණ සමයේ පසුගිය ආණ්ඩුව දියත් කළ සමහර ව්‍යාපෘති බෝඩ් ලෑලි වලට පමණක් සීමා වී ඇති බවත් ඒවායේ අරමුණ වූයේ මැතිවරණ උදෙසා මවා පෑමක් සිදු කර ජනතාව මුලා කිරීම බවත් ඔහු පැවසුවේය.
උතුරු අධිවේගී මාර්ගය හදන්නට තීන්දු කළ සමාගම පසුගිය රජය සමග ගිවිසුමට එළඹි මුදලට වඩා ඩො.මි 60 ක් අඩුවෙන් එම ව්‍යාපෘතිය කි‍්‍රයාත්මක කිරීමට හැකි බවට වර්තමාන රජය සමග එකවී ඇති බවද ඔහු පැවසුවේය.
මෙසේ ගසා කෑ මුදල් ගියේ කාගේ සාක්කුවටද කියා සොයන බවත් සංවර්ධන ව්‍යාපෘති පිළිබදව පසු විපරමක් සිදු කර ජනතාවට සාධාරණයක් ඉටුකිරීමේ වගකීම ජනවරමින් පත්වූ ආණ්ඩුවක් ලෙස භාරගන්නා බවත් පැවසුවේය.
පසුගිය ආණ්ඩුවට අපේ අසල්වැසි රට වන ඉන්දියාවවත් දිනා ගැනීමට හැකි නොවූ බවත් අද ඉන්දියාව ලංකාව වෙනුවෙන් ඔ්නෑම අවස්ථාවක නොපැකිළ ඉදිරිපත්වීමට සූදානම් බවත් පැවසුවේය.
දින සියයය ඇතුළත රජය සුවිශේෂී ජයග‍්‍රහණ රැසකට අවතීර්ණ වී ඇති බවත් යහ පාලනය තුළ ප‍්‍රශස්ත විදේශ ප‍්‍රතිපත්තියක් අනුගමනය කරමින් ජාත්‍යන්තරයේ අවධානය දිනා ගැනීමට හැකිවූ බවත් අසමත් රාජ්‍යගොඩට තල්ලුවෙමින් තිබූ අපේ රට යහපාලනය හරහා යළි සාර්ථකත්වයට පතවෙමින් පවතින බවත් අමාත්‍යවරයා පැවසුවේය.
මෙහිදී වැඩිදුරටත් අදහස් දක්වමින් අමාත්‍යවරයා පැවසුවේ උතුරේ ජනතාව නිවාස නොමැතිව දුක් විදිද්දී පසුගිය රාජපක්ෂ ආණ්ඩුව මන්දිර තනා සුර සැප විදි බවත් ඒවා හෙළි වන විට ජාත්‍යන්තර මධ්‍යස්ථාන ඉදිකළ බවට බොළද නිවේදන නිකුත් කරන බවත්ය.
{soundcloud}https://soundcloud.com/lankadaily/gayantha-karunathilaka{/soundcloud}
