ජනවාර්ගික ගැටළුවට විසඳුමක් දැකිම සඳහා හිටපු ජනාධිපති මහින්ද රාජපක්‍ෂ විසින් මන්ත්‍රීවරු 31 දෙනෙකු ඇතුලත් පාර්ලිමේන්තු තේරීම්කාරක සභාවක් පිහිටුවන ලදි. එයට සිංහල ජාතිකවාදී අදහස් ඇති පාර්ලිමේන්තු මන්ත්‍රීවරු බහුතරයක් ඇතුලත්වීම හා එය විසඳුමක් වෙනුවට කල් මැරීමේ ප්‍රතිපත්තියක් අනුගමනය කිරීම නිසා එයට දෙමළ ජාතික සන්ධානය සහභාගි වූයේ නැත.
ආණ්ඩු පෙරලියෙන් පසු මෙම පාර්ලිමේන්තු තේරීම්කාරක සභාව අවලංගු වී ඇති අතර නව රජය විසින් එම පාර්ලිමේන්තු තේරිම්කාරක සභාව යලි පත්කර, එමගින් ජනවාර්ගික ගැටළුවට විසඳුමක් දැකීමට කටයුතු කිරීමේ අවශ්‍යතාවයක් නොමැති බවත් ඔහු පවසයි.
නමුත් දෙමළ ජාතික සන්ධානය නව ආණ්ඩුවෙන් එකීය රාජ්‍යක් තුළ බලය බෙදා හැරීමේ විසඳුමක් අපේක්ෂා කරන අතර පසුගියදා අගමැති රනිල් වික්‍රමසිංහ මහතා පවසා තිබුණේ 13 වන ව්‍යවසථා සංශෝධනයට අනුකූලව එම ගැටළුව නිරාකරණය කරන බවය.
