දූෂණ විරෝධි කමිටුව ලෙස හඳුන්වා දී ඇති මෙම කමිටුව ජාතික විධායක සභාවේ නිර්දේශ මත පිහිටුවීමට ඊයේ රැස්වූ කැබිනට් මණ්ඩලය තීරණය කර ඇති බව සඳහන්ය.
අග්‍රාමාත්‍යවරයා සභාපතීත්වය දරන කමිටුවේ සෙසු සාමාජිකයින් ලෙස මංගල සමරවීර, පාඨලි චම්පික රණවක, රවුෆ් හකීම් යන අමාත්‍යවරුන් සහ ජනතා විමුක්ති පෙරමුණේ නායක අනුර කුමාර දිසානායක, දෙමළ ජාතික සන්ධානයේ නායක ආර්. සම්බන්ධන්, ප්‍රජාතන්ත්‍රවාදී පක්ෂයේ නායක සරත් ෆොන්සේකා යන මහත්වරුන් කටයුතු කරයි.
ඊට අමතරව පාර්ලිමේන්තු මන්ත්‍රී එම්.ඒ.සුමන්තිරන්, ආචාර්ය ජයම්පති වික්‍රමරත්න, නීතිඥ ජේ.සී.වැලිඅමුණ සහ මලික් සමරවික්‍රම යන මහත්වරුන් අදාළ කමිටුවේ සාමාජිකත්වය දරයි.
මෙම කමිටුවට සමගාමීව ක්ෂණික ප්‍රතිචාර කමිටුවක්ද ස්ථාපිත කර ඇති අතර එහි සම්බන්ධිකාරක වශයෙන් ජනතා විමුක්ති පෙරමුණේ නායක අනුර කුමාර දිසානායක මහතා කටයුතු කරන බව සඳහන්ය.
