හොර ක්‍රෙඩිට්කාඩ් වලින් මුදල් අදිද්දී 'සුද්දෝ' මාට්ටු

Published in පුවත්
Tuesday, 15 July 2014 08:52

සංචාරක වීසා මගින් ලංකාවට පැමිණ ව්‍යාජ ලෙස සකස් කරන ලද ක්‍රෙඩිට් කාඩ්පත්වලින් මෙරට බැංකු පද්ධතියේ මුදල් සොරා ගනිමින් සිටි තුර්කි ජාතිකයන් දෙදෙනෙකු සහ යුක්රේන් ජාතික කාන්තාවක එසේ සොරාගත් රුපියල් එක් කෝටි විසිපන් ලක්ෂයකට ආසන්න මුදල් සහ ව්‍යාජ ක්‍රෙඩිට් කාඩ්පත් 32ක් සමග අපරාධ පරීක්ෂණ දෙපාර්තමේන්තුවේ ව්‍යාජ මුදල් විමර්ශන අංශය මගින් අත්අඩංගුවට ගෙන ඇත.

මේ සා විශාල මුදලක් මේ අය මෙරට බැංකු පද්ධතියෙන් සොරාගෙන ඇත්තේ ඉකුත් 07 වෙනිදා සිට 12 වෙනිදා දක්වා ගතවූ දින 05ක් වැනි කෙටි කාලයක් තුළදී බව අපරාධ පරීක්ෂණ දෙපාර්තමේන්තුවේ තොරතුරු අනාවරණය කළේය. ව්‍යාජ කේ‍රඩිට් කාඩ් වංචාවක් සම්බන්ධයෙන් මෙතරම් මුදලක් සොයාගත් පළමු අවස්ථාව වන්නේ ද මෙයය.

තුර්කි ජාතිකයන් දෙදෙනාට වයස අවුරුදු පනහකට වැඩි බවත් කාන්තාව අවුරුදු තිහක් පමණ වයසැති තැනැත්තියක බවත් සඳහන්ය.

ඒ එක් තුර්කි ජාතිකයෙකුට එරට හෝටලයක් හිමිව ඇති බවත් කාන්තාව එම හෝටලයේ සේවයට පැමිණි තැනැත්තියක බවත් ප්‍රශ්න කිරීම්වලදී අනාවරණය වී තිබේ.

අන්තර්ජාල වෙබ් අඩවියකින් ව්‍යාජ ක්‍රෙඩිට් කාඩ්පතකින් කොළඹ පිහිටි තරුපන්තියේ හෝටල් කාමර දෙකක් එක් කාමරයක් දිනකට රුපියල් විසිතුන් දහස බැගින් සහ කොම්පඤ්ඤවීදිය ප්‍රදේශයේ පිහිටි සුඛෝපභෝගී තට්ටු නිවාස සංකීර්ණයකින් නිවසක් දිනක කුලිය රුපියල් හතළිස් අටදහස බැගින් කුලියට ගෙන හෝටල් කාමරයේත් නිවසේත් මාරුවෙන් මාරුවට රැඳෙමින් මෙම ජාවාරමේ නිරතව සිට ඇති බව අනාවරණය වී තිබේ.

මේ තිදෙනා මෙරටට පැමිණි ඇත්තේ ඉකුත් 07 වෙනිදාය. තුර්කි ජාතිකයන් දෙදෙනා ඉකුත් වසරේ මැද භාගයේත් මෙම වසරේ ජනවාරි මාසයේත් මෙරටට පැමිණි ඇති බවත් මෙවර පැමිණි ඇත්තේ තුන්වැනි වරට බවත් විමර්ශනවලින් අනාවරණය වී ඇත.

කාන්තාව මෙරටට පැමිණ ඇත්තේ පළමු වරටය. හාම්පුතා තමා ශ්‍රී ලංකාවට රැගෙන ආවේ නිවාඩුවක් ගත කරන්නැයි යුක්රේන් කාන්තාව ‍පොලිස් ප්‍රශ්න කිරීම් හමුවේ පවසා තිබේ. තුර්කියේ හෝටලයක සේවයට පැමිණ මාස තුනක් වැනි කෙටි කාලයක් තුළ හාම්පුතා සමග ඇය නිවාඩුවකට ලංකාවට පැමිණියද මෙරටදී සිදුකර ඇත්තේ අන්සතු ක්‍රෙඩිට් කාඩ්පත්වලින් මුදල් සොරකම් කිරීම බව උසස් ‍පොලිස් නිලධාරියෙක් සඳහන් කළේය.

කොළඹ සහ ඒ අවට සැරිසරමින් මෙම කණ්ඩායම හමුවන සෑම ඒ.ටී.එම්. යන්ත්‍රයකින්ම පාහේ මුදල් ලබාගෙන ඇති බවත් ඒ අය ගැන ව්‍යාජ විමර්ශන ඒකකයට ලද තොරතුරකට අනුව කොල්ලුපිටියේ පිහිටි පෞද්ගලික බැංකුවකින් මුදල් ලබාගන්නා අවස්ථාවේදීම ඔවුන් තිදෙනා අත්අඩංගුවට ගත් බවත් ‍පොලීසිය සඳහන් කරයි.

හාම්පුතා සහ යුක්රේන් කාන්තාව අඹුසැමියන් ලෙස පෙනී සිට ඇති බව පරීක්ෂණවලින් අනාවරණය වී ඇත. හෝටලයේ කාමර දෙකකින් එක් කාමරයක මේ තිදෙනා සිට ඇති බවද සඳහන්ය. හෝටල් කාමරයත් තට්ටු නිවසකින් නිවසකුත් කුලියට ගෙන ඇත්තේ කිසිවෙකුගේ සැකයකට ලක්නොවී සිටීමට බව අනාවරණය වී තිබේ.

මේ අය සතුව තිබි සොයාගත් ව්‍යාජ ක්‍රෙඩිට් කාඩ්පත් යුරෝපයේ ධනවතුන්ගේ කාඩ්පත්වලින් සොරාගත් දත්තයන් යොදා සකස් කළ ව්‍යාජ කාඩ්පත් බවද අනාවරණය වී ඇත. මෙරටට පැමිණෙන විට මේ අය එම කාඩ්පත්ද රැගෙන විත් තිබේ.

දත්තයන් යොදා එම කාඩ්පත් තුර්කියේ දී සකස් කර ඇති බව ‍පොලීසිය සැකකරන අතර මෙරට බැංකු පද්ධතියෙන් සොරාගත් මුදල් මේ අය මෙරටින් පිටකරන්නට සූදානම් වූයේ කෙසේදැයි මෙතෙක් කිසිවක් අනාවරණය වී නැත.

තුර්කි ජාතිකයන් දෙදෙනා මෙයට පෙර ලංකාවට පැමිණ ඇති බැවින් ඒ පැමිණි අවස්ථා දෙකෙහිද මෙම ජාවාරමේ නිරතව සිට ඇතැයි ‍පොලීසිය සැක කරයි. එහෙත් ඒ අය පවසා ඇතැයි සඳහන් වන්නේ තමන් ඒ පැමිණි අවස්ථාවන්වලදී ව්‍යාජ ක්‍රෙඩිට් කාඩ්පත් භාවිතා නොකළ බවය.

මේ අය දින පහක් තිස්සේ සොරාගත් මුදල් තොගයෙන් කොටසක් ඔවුන් නවාතැන්ගෙන සිටි තරු පන්තියේ හෝටල් කාමරයේත් තවත් කොටසක් එම හෝටලයේ ඇති සේප්පුවකත් තිබි හමුවී ඇත. අත්අඩංගුවට ගන්නා අවස්ථාවේ එදින ඔවුන් ඒ.ටී.එම්. යන්ත්‍රවලින් ලබාගත් මුදල් ඔවුන් සන්තකයේ තිබි හමුවී තිබේ.

පෙරේදා 13 අත්අඩංගුවට ගත් මෙම සැකකරුවන් තිදෙනා කොටුව අධිකරණයට ඊයේ 14 ඉදිරිපත් කිරීමෙන් පසු ලබන 16 වෙනිදා දක්වා රක්ෂිත බන්ධනාගාරගත කර ඇත.

Leave a comment

ld add copy

Gossip

සාරංගගෙන් වෙන් වුණ උමාලි රංගන ශිල්පියෙක් සමග විවාහ ගිවිස ගනී

සාරංගගෙන් වෙන් වුණ උමාලි රංගන ශිල්පියෙක් සමග විවාහ ගිවිස ගනී

උමාලි තිලකරත්න කියලා කියන්නේ හැමෝම ආදරය කරන රංගන ශිල්පිණියක්. ඇය ඉතාම ආදරෙන් විවාහා වී සිටියේ සාරංග...

පාස්කු ප්‍රහාරයේ සුළමුල හෙළිකරමින් මෛත්‍රීගෙන් පොතක්

පාස්කු ප්‍රහාරයේ සුළමුල හෙළිකරමින් මෛත්‍රීගෙන් පොතක්

"පාස්කු ප්‍රහාරය සැබෑ ලෙසම කළේ කවුරුන්ද කියලා තවම කිසි කෙනෙක් කියලා නෑ. ඒක මම දන්නවා කවුද කළේ කියලා"

ප්‍රමිතියේ ගැටලුවක් නිසා mc ලංකාව හැර යන්න සුදානමින්

ප්‍රමිතියේ ගැටලුවක් නිසා mc ලංකාව හැර යන්න සුදානමින්

මෙරට පිහිටි සියලුම මැක්ඩොනල්ඩ් අවන්හල් ශාඛාවන් නැවත දැනුම් දෙන තුරු වසා දමා තිබේ.

රනිල් බැසිල් අදත් හමුවේ. ඊයේ ගත්ත තීන්දුව දැනුම් දෙයි ?

රනිල් බැසිල් අදත් හමුවේ. ඊයේ ගත්ත තීන්දුව දැනුම් දෙයි ?

ජනාධිපති රනිල් වික්‍රමසිංහ මහතා සහ පොදුජන පෙරමුණේ නිර්මාතෘ හා හිටපු අමාත්‍ය බැසිල් රාජපක්ෂ මහතා අතර...

Connet With Us