ජනපතිවරණ ඡන්ද විමසීම ඡන්ද මධ්‍යස්ථාන 12,314කදී සිදු කිරීමට නියමිත අතර එය ගණනය කිරීම මධ්‍යස්ථාන 1419 කදී සිදු කෙරේ.
මෙවර ලියාපදිංචි ඡන්දදායකයින් ගණන එක්කෝටි පනස් ලක්ෂ හතලිස් හතරදාස් හාරසිය අනූ දෙනෙක් (1,50,44,490) සුදුසුකම් ලබා සිටී.
8දා රාත්‍රී 10.00 පමණ වන විට පළමු තැපැල් ඡන්ද ප්‍රතිඵලය ප්‍රකාශයට පත් කළ හැකි බව අතිරේක මැතිවරණ කොමසාරිස් යූ.අමරදාස මහතා කියා සිටී.
මෙවර ජනපතිවරණයට පිළිගත් පක්ෂවලින් අපේක්ෂකයින් 17 දෙනෙකු හා ස්වාධීන අපේක්ෂකයින් දෙදෙනෙකු ද එක්ව සිටිති.
මේ අතර, රට පුරා තිබෙන කටඅවුට්, බැනර්, පොස්ටර්, ඉවත් කිරීම සඳහා පොලිසිය හා එක්ව මැතිවරණ කොමසාරිස් කාර්යාල නිලධාරීන් අද පෙරවරුවේ සිට විශේෂ මෙහෙයුමක් ක්‍රියාත්මක කර තිබේ.
