ආණ්‌ඩු පක්‍ෂයේ සහ විපක්‍ෂයේ මැති ඇමැතිවරුන්ගේ හුවමාරුවක්‌ ඉදිරි දින තුන හතරේදී සිද්ධ වීමට ඉඩ තිබෙන බව රඹුක්‌වැල්ල මහතා කීය.
මේ අතර පොදු අපේක්ෂක මෛත්‍රිපාල සිරිසේන මහතාට සහය දැක්‌වීම පිණිස ආණ්‌ඩු පක්‍ෂයේ ඇමැතිවරුන් 5 දෙනකු සහ තවත් දේශපාලනඥයන් පිරිසක්‌ ඉදිරි දින 5 ඇතුළතදී ආණ්‌ඩුවෙන් ඉවත් වන බව පාර්ලිමේන්තු මන්ත්‍රී දොස්‌තර රාජිත සේනාරත්න මහතා ප්‍රකාශ කළේය.
ඒ සඳහා ඉදිරි දින කිහිපයේදී සාකච්ඡා පැවැත්වීමට නියමිත බවද පොදු අපේක්ෂක මෛත්‍රිපාල මහතාගේ ජය තහවුරු කිරීම සඳහා ඉදිරි දිනවල පැවැත්වෙන ප්‍රධාන ජන රැලිවලට ආණ්‌ඩු පක්‍ෂයෙන් පැමිණෙන මැති ඇමැතිවරුන් එක්‌වීමට නියමිත බව ද ඒ මහතා අදහස්‌ කළේය.
මේ වනවිට ආණ්‌ඩු පක්‍ෂයේ ඇමැතිවරුන් ඇතුළු පාර්ලිමේන්තු මන්ත්‍රීවරුන් 27 දෙනකු විපක්‍ෂයේ පොදු අපේක්‍ෂකයාට සහය දැක්‌වීම පිණිස ආණ්‌ඩුවෙන් පැමිණ ඇතැයි ඒ මහතා කීය.
ගම්පහ, කළුතර, මහනුවර යන දිස්‌ත්‍රික්‌ක නියෝජනය කරමින් පොදු අපේක්‍ෂකයාට සහය දැක්‌වීම පිණිස මැති ඇමැතිවරුන් ආණ්‌ඩුවෙන් ඉවත් වනු ඇතැයිද ඒ මහතා තවදුරටත් කීවේය.
